InicioSOCIEDADEDecretados servizos mínimos de entre o 50 e o 100 % polo...

Decretados servizos mínimos de entre o 50 e o 100 % polo paro da sanidade privada este mércores e o día 7

Publicada o

Por europapress

Consellería de Sanidade publicou no Diario Oficial de Galicia (DOG) os servizos mínimos decretados polos paros convocados para os días 24 de xaneiro e 7 de febreiro no ámbito da sanidade privada na provincia da Coruña e que estarán entre o 100 % e o 50 %, segundo as distintas áreas. Trátase do persoal incluído no ámbito de aplicación do convenio colectivo para os establecementos sanitarios de hospitalización, asistencia, consulta e laboratorios de análises clínicas desta provincia.

As organizacións sindicais CIG, UGT e CCOO comunicaron a convocatoria de folga, con paro parcial o día 24 de 10.00 a 12.00 horas, e o 7 de febreiro, en toda a xornada, aínda que o persoal que traballe en quendas comezará o día anterior ás 22.00 horas e 23.00 horas e terminará ás mesmas horas do propio día.

No persoal facultativo, os servizos mínimos serán do 100 por cen na actividade urxente: servizos de urxencias e gardas médicas, quirófanos urxentes para a atención dos usuarios que requiran intervención cirúrxica inaprazable e sala de partos. O mesmo ocorrerá en unidades de reanimación, de coidados intensivos, de adultos ou pediátricas e unidades coronarias, así como a área de diálese e de tratamentos oncolóxicos, como radioterapia e hospital de día.

Noutras, como a área de hospitalización, establécese o número necesario para garantir as visitas médicas ou as altas clínicas, mentres que no ámbito de consulta atenderanse as consideradas urxentes ou preferentes. Tamén os pacientes oncolóxicos que requiran tratatamento citostático e os desprazados polo mesmo motivo. Ademais, garantirase a realización de determinadas probas complementarias.

O mesmo ocorrerá no persoal sanitario non facultativo nas actividades urxentes e noutras áreas e co mesmo sistema para o persoal non sanitario. No seu caso, na área de hospitalización terá que haber un número de efectivos equivalanete ao dos domingos ou festivos, igual que ocorrerá en servizos como o de admisión ou arquivo ou mantemento. Noutros, como lavandaría será igual ou ata o 50 % dos efectivos da quenda.

ÚLTIMAS

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...

Inés Rey ve “marxe” para un acordo que evite a folga de limpeza no San Xoán

A alcaldesa da Coruña, Inés Rey, apuntou que existe "marxe" para alcanzar un acordo que...

Persoal da Axencia Tributaria demanda nunha protesta na Coruña melloras laborais

Máis dun centenar de traballadores e traballadoras da Axencia Tributaria (AEAT) secundaron na Coruña...

A Torre de Hércules, Luísa Villalta, o Deportivo e o Básquet Coruña na falla de San Xoán

A Torre de Hércules, a autora Luísa Villalta e o deporte coruñés serán os...