Entidades sociais da cidade da Coruña mantiveron o pasado venres unha xuntanzan na Cruz Vermella para analizar a situación do mercdo laboral e buscar sinerxias. A entidade quixo compartir o seu Plan de Emprego coas entidades e axentes sociais da cidade para falar de “igualdade de oportunidades laborais”.

A gran resposta á convocatoria deixou claro que, tal e como destacou Mar Miranda, quen xunto a Mery Gómez coordina a área de Emprego de Cruz Vermella na provincia da Coruña, “traballamos todas xuntas para contribuír a que o mundo do traballo sexa un lugar accesible para todas as persoas”. Neste sentido, Miranda, que deu paso ao conselleiro laboral Ignacio Álvarez para presentar os principais resultados do Plan de Emprego de Cruz Vermella na cidade, agradeceu á trintena de asistentes o seu esforzo por engadir ao seu traballo diario “un momento para compartir necesidades e iniciativas con entidades e axentes sociais”.

A xornada serviu para reivindicar a necesaria colaboración entre as entidades sociais, as administracións públicas e o empresariado para dar resposta a todas as persoas demandantes de emprego.