InicioCULTURAA AMEGA organiza un roteiro e un festival de música galega contemporánea...

A AMEGA organiza un roteiro e un festival de música galega contemporánea na Coruña polo Día dos Medios en Galego

Publicada o

Por editor

Presentaron este martes a Asociación de Medios en Galego (da que forma parte esta cabeceira) o programa de actividades que organizou an entidade para celebrar o XI aniversario do Día dos Medios en Galego. Este día, 7 de febreiro, coincide coa saída da primeira publicación monolingüe en galego O Tío Marcos d’A Portela, editado por Valentín Lamas Carvajal no ano 1876.

Pablo García indicou que “o Día dos Medios en Galego é un día de reivindicación pero tamén de celebración. E que AMEGA, segue tendendo pontes cunha serie de actividades que queren dignificar a labor dos medios en galego e achegalos aos máis novos”.

Roteiro Xornalístico na Coruña

Nesta nova edición, AMEGA presenta un programa composto por varias actividades e celebracións relacionadas coa nosa lingua. En primeiro lugar a asociación organizou ao longo do mes de febreiro un conxunto de roteiros xornalísticos por varias vilas do país. Neles visitaranse lugares emblemáticos relacionados coa historia e a actualidade dos medios en galego, acompañados por expertos na temática e amenizado por bandas musicais.

O ciclo de roteiros comezou na Estrada a semana pasada e continúan en Santiago de Compostela e A Pobra do Caramiñal (17 de febreiro), e finalmente nA Coruña (24 de febreiro), un evento organizado polo Xornal da Coruña, en colaboración coa A.C. Alexandre Bóveda.

Na cita, dirixida por Xurxo Souto, falarán Ubaldo Cerqueiro (XornaldaCoruña), Xosé Manuel Pereiro (Luces), Xoán Costa (Nós Diario), María Xosé Bravo e Carmela Galego (AC. Alexandre Bóveda) e Tomás Legido (CUAC FM), ademais dalgunha que outra sorpresa.

Roteiro xornalistico AMEGA na A CORUÑA

Ademais, presentarase unha guía didáctica para que o profesorado galego poida incluír contidos relacionados co pasado e o presente dos medios en galego, que leva por título “Coñecendo os medios en galego”. Co que se quere conmemorar o 175º aniversario de Valentín Lamas Carvajal.

Festival de música contemporánea

Por último, AMEGA repite na organización dun evento musical para reivindicar o uso da lingua. Nesta ocasión as protagonistas serán Fillas de Cassandra e De Ninghures, e os concertos celebraranse o vindeiro xoves 22 de febreiro na Sala Inn Club da Coruña a partir das 21h. De novo, a organización chega da man deste Xornal da Coruña.

Festival Fillas de Cassandra Coruna

Xa podes reservar as túas entradas en entradium.com.

ÚLTIMAS

Piden unha conexión eléctrica para a Unidade Móbil da Doazón de Sangue no centro da Coruña

A Unidade Móbil da Doazón de Sangue do CHUAC percorre o país para achegar...

Teoría e práctica da política pailaroca

Estes días desencadeouse unha treboada político-mediática porque «unha galería de arte Viguesa», a prestixiosa...

Olladas doutro tempo: Torre de Hércules (III)

Vén de: Torre de Hércules (I) Torre de Hércules (II). --- ---- ---- O faro máis...

O CHUAC, centro de referencia nacional para tumores renais con afectación vascular e enfermidades glomerulares

O Complexo Hospitalario Universitario da Coruña (CHUAC) foi recoñecido polo Ministerio de Sanidade con...

DEIXAR UN COMENTARIO

Please enter your comment!
Please enter your name here