A subdelegada do Goberno na Coruña, María Rivas, avanzou nunha reunión cos máximos responsables de Policía Nacional e Garda Civil na provincia, que o dispositivo de seguridade de face ás eleccións autonómicas do 18 de febreiro contará cun total de 2.617 efectivos das Forzas e Corpos de Seguridade, entre Garda Civil, Policía Nacional, Autonómica e Local.
Segundo informou a Delegación do Goberno a través dun comunicado, na reunión a subdelegada e os axentes fixeron un repaso do operativo loxístico que se despregará para “garantir o dereito ao voto na Coruña a 1.088.388 electores”, das cales 32.893 son novas que votarán por primeira vez e que poderán escoller un total de 25 deputados ao Parlamento de Galicia.
En canto á loxística, a subdelegada destacou que A Coruña contará con 1.543 mesas atendidas por 4.629 persoas entre titulares e suplentes, distribuídas en 881 locais electorais. Por último, Rivas quixo pór en valor a implicación das Forzas e Corpos de Seguridade do Estado para facilitar que o proceso electoral funcione á perfección e garantir así a cita coas urnas.
