A Xunta de Galicia licitou por un importe global de máis de 235.000 euros a redacción dos proxectos de rehabilitación, así como a dirección de obra, de sete edificios adquiridos nas zonas históricas da Coruña, Ribadeo (Lugo) e Tui (Pontevedra) no marco do Programa Rexurbe.

No caso herculino, o inmoble a rehabilitar está emprazado no número 6 da rúa Santa María, en plena Cidade Vella, e ten como obxectivo xerar tres vivendas de promoción pública. O importe de licitación da redacción do proxecto e dirección de obra é de preto de 61.000 euros, IVE incluído.