InicioCULTURAA posta en venda dos murais de Lugrís da rúa Olmos indigna...

A posta en venda dos murais de Lugrís da rúa Olmos indigna á sociedade coruñesa

Publicada o

Por Ubaldo Cerqueiro
  • “Como xa pasou en 2017: os intereses inmobiliarios están por riba dos artísticos”, lamentan dende O Mural.

— — —

Onte saltaba a alarma entre a comunidade cultural coruñesa cando o Xulgado do Mercantil 3 anunciaba a venda dos frescos de Lugrís situados nos 25 e 27 da rúa Olmos, sen facer público o comprador.

Uns murais que sofren un estado de abandono irresponsable polos propietarios do edificio e polas administracións, polos que leva loitando o mundo cultural nos últimos anos.

Unha das entidades máis comprometidas cos frescos, O Mural, entende que “se é para restauralos, conservalos e permitir o acceso público parécenos unha boa nova”, pero fica “preocupada porque se venda por separado das casas e polo que di a Consellería de que vai intentar sacalos e levalos a Belas Artes”, explica sinala Rodrigo Osorio, porque entende que “o único conxunto muralístico que se conserva íntegro debería conservarse onde Lugrís o creou”. “Os frescos están plenamente axeitados a arquitectura e feito para un espazo público e hostaleiro: son arte popular para o acceso da clientela dun restaurante, o Fornos, non para os visitantes dun museo”.

“Como xa pasou en 2017: os intereses inmobiliarios están por riba dos artísticos”, lamentan, avocados a ter que “tragar a esta mutilación”.

Administracións

Dende o Concello volven botar balóns fóra, e piden a colaboración da Dirección Xeral de Patrimonio para “velar” por eles e garantir a súa conservación. “Hai unha sociedade en concurso de acredores e o administrador concursal ten que liquidar bens da sociedade onde están eses murais”, dixo a rexedora esta mañá en alusión ao procedemento existente para a poxa de bens da citada sociedade, entre os que se atopan os murais.

Rey, que lembrou que foi o o consistorio quen solicitou a súa declaración como Ben de Interese Cultural (BIC) (malia que dende o Mural sinalan que non é certo, que son o únicos que polo momento fixeron efectiva a solicitude), asegurou que “hai que garantir a conservación dos mesmos e a permanencia na cidade, con independencia da súa titularidade”.

“O Concello limitouse a anunciar os medios que ía facelo e encargar o informe a un catedrático (por 6.000 €) da UDC que ía telo para outubro e aínda estamos agardando…”, critican dende Mural.

Máis novas

“O desleixo das administracións para protexer os frescos de Lugrís non fai máis que medrar”

S.O.S. Lugrís

 

ÚLTIMAS

A Coruña, a cidade onde máis subiron os alugueres no primeiro trimestre

O prezo do aluguer de vivendas en Galicia aumentou un 4,8% no primeiro trimestre de...

Retroceso democrático e tendencias reaccionarias, ameazas ante as próximas Eleccións Europeas

O vindeiro mes de xuño case 450 millóns de europeas e europeos dos 27...

Docentes e estudantado únese á sociedade civil no seu apoio ao pobo paestino

Varios centros da Coruña responderon á chamada do colectivo Docentes con Palestina de realizar...

O Basquet Coruña, a dous chanzos da ACB

Despois da nova vitoria contundente deste domingo do Leyma Coruña ao UEMC RV Baloncesto,...

DEIXAR UN COMENTARIO

Please enter your comment!
Please enter your name here