A unlla de gato (carpobrotis edulis) é unha especie invasora que leva unha década arrasando coa vexetación autóctona da zona da Torre de Hércules, o Acuario… O breixo, os toxos, a matogueira… desapareceron ante o avance desta especie carnosa provinte do sur de África, e a falta de acción das administracións.

A especie, que chegou a través da xardinería e ten unha gran capacidade enraizante, adoita ocupar medios costeiros, formando un tapiz sobre o substrato que altera as condicións do chan, principalmente insolación e dispoñibilidade de nutrientes.

Nunca é tarde para erradicala, e desta volta foron un grupo duns 50 estudantes do Centro de FP Afundación da Coruña, en colaboración co Grupo Naturalista Hábitat e o Concello da Coruña, os que partiparon esta semana nunha xornada na contorna da Torre de Hércules.  Retiraron máis dunha tonelada de especies exóticas invasoras

Os colectivos lembran que estamos nunah zona de alto valor ecolóxico, declarada recentemente como Espazo Natural de Interese Local (ENIL).