En moitos concellos galegos, especialmente nos máis pequenos, a reserva de instalacións deportivas aínda depende de procesos pouco dixitalizados, como chamadas, correos ou xestións presenciais. Isto dificulta tanto o acceso da cidadanía como a organización das propias administracións. Ante esta situación AGASOL, a Asociación Galega de Software Libre, pon en marcha o I Certame GOBTEC, centrando o primeiro reto GOBTEC na procura dunha solución de software libre que simplifique e modernice a xestión e reserva das instalacións deportivas municipais, como poden ser canchas, pistas e pavillóns.

Un certame aberto s empresas, persoas emprendedoras e entidades tecnolóxicas radicadas en Galicia, que xa poden presentar as súas propostas ata o 18 de novembro ás 23:59 horas na súa web, optando a un premio de 6 .000 euros e a un forte recoñecemento institucional.

O reto consiste en idear unha solución mediante software libre que non consista unicamente en crear unha app de reservas, senón que permita adaptarse ás diferentes necesidades de cada concello, con configuracións personalizadas e funcionalidades como consultar as instalacións, reser valas online, realizar cancelacións e modificacións rápidas, revisar o historial persoal e recibir avisos. Non se require presentar o produto xa feito, senón unha idea ben desenvolvida e cunha aplicación viable.

A proposta presentarase a través da web da AGASOL. O 3 de decembro terá lugar un acto na Cidade da Cultura, en Santiago de  ompostela, coa par ticipación das propostas seleccionadas e do xurado do certame, composto por representantes de AGASOL , a Xunta de Galicia/ GOBTEC, un concello galego, Star tup Galicia e unha persoa experta independente en software libre.