InicioCULTURAA Xunta presenta unha oferta por 35.000 euros para adquirir os murais...

A Xunta presenta unha oferta por 35.000 euros para adquirir os murais de Lugrís da rúa Olmos da Coruña

Publicada o

Por europapress

Despois da polémica xerada entre a sociedade civil pola posta en venda dos murais de Lugrís da rúa Olmos, a Xunta vén de anunciar que presentou unha oferta no Xulgado Mercantil número tres da Coruña para adquirir os murais realizados por Urbano Lugrís localizados nos números 25 e 27 da rúa Olmos da Coruña por un importe de 35.000 euros.

O Boletín Oficial do Estado (BOE) publicou o pasado 15 de febreiro o inicio do procedemento para o concurso destes murais, cun prezo de saída de 30.000 euros –impostos non incluídos–.

A posta en venda dos murais de Lugrís da rúa Olmos indigna á sociedade coruñesa

Tal e como informou este xoves, a Consellería de Cultura, Educación, FP e Universidades presenta a súa proposta para participar no proceso concursal tras abrirse a posibilidade de comprar estas pezas e analizar a nivel xurídico a información dispoñible sobre o tema.

O obxectivo desta iniciativa, segundo sinalou o departamento autonómico nun comunicado, o obxectivo desta adquisición é “restaurar o conxunto mural para polo a disposición da cidadanía”. Para iso, o Goberno galego avaliará a posibilidade de trasladalos ao Museo de Belas Artes da Coruña, onde pasarían a estar expostos tendo en conta as razóns de interese social, así como as cuestións de conservación e salvagarda.

Con todo, a sociedade lembra que o pintor deseñou estas pinturas para o Restaurante Fornos, un popular local que forma parte da identidade coruñesa e da súa memorial social, que xa existía no século XIX.

Trátase de pezas que presentan diferentes estados de conservación e nas que se representan estampas como a mariña coruñesa, fondos mariños con peixes, algas, serenas ou medusas; motivos mariñeiros como barcos, veleiros, áncoras ou galeóns e panorámicas da cidade, entre outros temas. Así, entre os elementos que aparecen representados destacan a Torre de Hércules, a antiga Comandancia da Mariña da Coruña ou o Castelo de San Antón.

BIC

Malia que a día de hoxe a única entidade que moveu un dedo para conseguir a declaración dos murais como Ben de Interese Cultural, seguen a ser utilizados como arma entre Concello e Xunta. Desta volta, é a Administración autonómica a que lanza un dardo ao concello, sinalando que “está á espera recibir a documentación do Concello da Coruña que acredite o valor destas pezas para avaliar a súa posible declaración como Ben de Interese Cultural”.

“O desleixo das administracións para protexer os frescos de Lugrís non fai máis que medrar”

S.O.S. Lugrís

 

ÚLTIMAS

A veciñanza pide rescatar a liña de bus 10 para o barrio da Sagrada Familia

A política urbanística municipal leva anos apostando por unha humanización das nosas rúas, pola...

O PP pide á alcaldesa da Coruña que cese ao edil de Economía

O grupo municipal do PP no Concello da Coruña instou á alcaldesa, a socialista...

A instalación da pasarela de Solymar provocará afectacións ao tráfico

Recta final para as eternas obras do cruzamento de Solymar, en Perillo, Oleiros. Actualmente,...

Alcaldes socialistas acusan á Xunta de “afogar” aos municipios: “A factura das competencias impropias ascende a 600 millóns ao ano”

O consello de alcaldes socialistas da provincia da Coruña acusou á Xunta de "afogar" ás economías...