A Deputación da Coruña pechou este xoves o prazo de presentación de solicitudes para as axudas do Plan de Emprego Local (PEL) 2024 con 3.456 peticións de empresas e persoas autónomas da provincia recibidas. Esta cifra supón un incremento do 14% respecto ao ano anterior.
Segundo informa a institución provincial, o aumento máis destacado de peticións rexistrouse na liña de axudas PEL-Emprende Investimento, que pasou das 953 do pasado ano ás 1.415 nesta ocasión, un 48,48% máis.
O obxectivo este programa, recalca, distribuído en catro liñas, é fomentar as novas contratacións, contribuír á modernización do tecido empresarial e prestar apoio ás persoas autónomas.
Noutra orde de cousas, o presidente da Deputación da Coruña, Valentín González Formoso, reuniuse con representantes da Asociación Provincial de Voluntarios de Protección Civil co fin de analizar as vías de colaboración deste colectivo que presta, sinalou, “un servizo esencial”.
Nos últimos anos, a entidade ha ido adaptando as liñas de subvencións ás necesidades específicas das agrupacións de Protección Civil, para “dotalas de material e ferramentas e mellorar a súa formación”.
