Contra vento e auga pelexaron esta mañá dominical máis 2.500 deportistas que non se amilanaron ante a borrasca Luís e que partiparon na XVI edición do medio maratón Coruña 21 e na 5K.
O percorrido do medio maratón comezaron e concluíron a C21 no Obelisco. A primeira parte trancorreu por Ramón y Cajal, Salvador de Madariaga e o porto coruñés. Na segunda, os atletas percorreron as praias de Riazor, Orzán e Matadoiro polo paseo marítimo e atravesaron a rúa San Andrés para ir ata Porta Real e, desde alí, chegar á meta. O Sporting Club Casino acolleu a zona de ropeiros, recollida de dorsais…
Na categoría masculina, o mellor tempo, marcado por Pablo Sánchez Crespo, foi de 1:05.11. Acompañárono no podio final Workneh Fikre como segundo clasificado cun tempo de 1:05.14 e Eric Nzambimana como terceiro cun tempo de 1:05.15.
Na categoría feminina, María Azucena Díaz detivo o crono cun tempo de 1:19.34. A segunda mellor clasificada foi Sonia Abad, cun tempo de 1:25.01, mentres que María Jesús Conde quedou terceira cun tempo de 1:25.26.
Arrincou o circuito 5K
En paralelo arrincou o circuito de probas de 5 quilómetros das e carreiras populares Coruña Corre, que comeza o próximo mes de marzo. Na categoría masculina, os tres primeiros clasificados foron Pablo Bocelo (15.52), Yago Ignacio García (16.01) e Víctor Alonso (16.08).
Na categoría feminina, as mellores foron Irati Lorza (19.06), Tania López (19.46) e Yolanda Gutiérrez (20.01).
