Un home foi detido na cidade da Coruña por un delito de furto ao levar do interior dun coche material médico valorado en 3.000 euros. Segundo informou este mércores a Policía Nacional, o suceso tivo lugar na madrugada do pasado 23 de febreiro na Avenida de Arteixo da urbe herculina.

Unha patrulla de Seguridade Cidadá observou ao detido mentres deambulaba ao redor de varios coches estacionados. Nun momento, accedeu ao interior dun e saíu con varios obxectos.

Os axentes abordaron ao individuo, que recoñeceu que non era o seu coche e non puido acreditar a procedencia das cousas que levaba consigo, polo que foi detido acusado dun delito de furto.

O propietario do turismo declarou á Policía que os obxectos roubados, un dispositivo electrónico medico e diferente material sanitario, están valorados en máis de 3.000 euros e ían ser empregados ao día seguinte para realizar unha intervención.