Xa non son aqueles tempos de ir firmar en papel, acumulando tacos de centos de contratos almacenados nalgún caixón esperando que nalgún San Xoán libere ese medo a non ter traballo o día seguinte.
Agora a meirande parte das enfermeiras poden chegar a asinar ata contratos mensuais, pero así e todo volverán a saír á rúa esta mesma semana co gallo do 8M, e non descartan as mobilizacións que fixeron a finais do pasado ano.
A inestabilidade laboral do colectivo segue a ser unha auténtica vergoza. “Vén sendo o mesmo pero con outro nome”, explican as profesionais. “As que xa levan máis de 10 anos no Sergas, poden firmar contratos mensuais, e teñen unha certa estabilidade. Pero as que comezan seguen asinando, agora dixitalmente, contratos diarios, ou semanais, pero sen saber onde van traballar, nin que turno van ter ata o día anterior. Pasas o día esperando a chamada da supervisora, que vixila cada resposta, para dicirche o teu destino de mañá. É imposible conciliar, facer plans… para a vida!”, relatan. “Moitas xa lle chamamos a ETT máis grande de Galicia”, bromean en reación ao Sergas.
Dende o colectio Enfermeiras en Loita recoñecen que levan uns meses sen manifestarse esperando poder facer algo a nive estatal, pero non descartan volver á rúa. Lamentan que as máis novas, as que máis sofren esta inestabilidade, esta precariedade, sexan as que menos se mobilizan nas manifestacións realizadas no CHUAC, pero entende tamén que a súa situación pasa por “facer horas e horas, para loitar contra a perda de poder adquisitivo”.
E aí lanzan outra crítica ao Sergas e a súa capacidade para desmobilizar. “Divide e vencerás, e no Sergas máis”.
Máis novas
As Enfermeiras, e o resto de profesionais, lembran na rúa que “sen persoal, non hai sanidade”
