Abríanse as apostas a semana pasada, trala renuncia do que foi alcalde, Óscar García Patiño polo secuestro municipal provocado pola Secretaria e a Interventora. Finalmente será a edil de Economía, Facenda e Réxime Interior no Concello de Cambre, María Pan Lesta, seráa proposta de Unión por Cambre á Alcaldía.

Así o informa a organización despois de que a concelleira desde 2019 e no seu segundo mandato á fronte da Concellaría de Economía recibise este martes o apoio unánime da asemblea da agrupación local. A de Lesta foi a única candidatura que se presentou, se ben moitas miradas estaban postas en Dani Mallo, o coñecido ex porteiro do Real Club Deportivo.

Ao concluír a asemblea, a veciña de Meixigo mostrouse “orgullosa e agradecida polo enorme apoio recibido polos compañeiros e compañeiras” do partido. Tamén se comprometeu a “seguir traballando para liquidar a difícil situación do concello”.

Lesta incidiu en que ata o pleno no que se investirá ao alcalde ou alcaldesa — posterior ao que este xoves se celebrará para dar conta da dimisión de García Patiño — manterá “o plan de traballo da área”.

Veremos se este cambio de timón serve para que as habilitadas levanten o veto ás accións municipais.

Máis novas

Que relevará a Óscar García Patiño na alcaldía de Cambre?

O alcalde de Cambre dimite polo “bloqueo administrativo” da Interventora e a Secretaria