InicioCAMBREO alcalde de Cambre dimite polo “bloqueo administrativo” da Interventora e a...

O alcalde de Cambre dimite polo “bloqueo administrativo” da Interventora e a Secretaria

Publicada o

Por Ubaldo Cerqueiro

Esta mañá xa saltaban as exclusivas mal entendidas pola caverna mediática coruñesa, avanzando o que ía contar na rolda de prensa das 12:00h Óscar Garcia Patiño. Un segredo a voces dende comezos de semana, que a prensa quixo adiantar sen coñecer as razóns reais que o levan a presentar a súa dimisión como alcalde de Cambre.

O voceiro de Unión por Cambre, que afronta dende as pasadas eleccións o seu último mandato, daba as razóns polas que deixa o posto de rexedor. Unha situación de “bloqueo administrativo”, de parálise municipal, provocada polo exceso de celo da dúas habilitadas, Secretaria e Interventora (xa deixaran “amigos” en Concellos como Ponteceso ou Culleredo antes de incorporarse en Cambre en agosto de 2022 a primeira e en xullo de 2023 a segunda), que xa provocou a dimisión dun asesor do grupo de goberno hai uns meses, e a propia autosuspensión da nómima por parte do alcalde.

”Hoxe é un día difícil para min”, relataba na rolda de prensa. “Anuncio a miña dimisión como unha decisión pensada, meditada, porque creo que é a mellor para que Cambre volva ao bo camiño. Sei que non son o culpable, pero creo que a miña marcha pode ser a súa solución. O máis fácil sería poñerse de perfil e seguir cobrando 40.000€ ao ano nestes 3 anos. Pero eu sempre don a cara, e antes de político son veciño”.

”Estou aquí para traballar e xestionar, pero non me deixan”, sinalou en clara alusión ao secuestro burocrático por parte das habilitadas, ás que acusa de falta de “lealdade á institución municipal”. Puxo exemplos de contratos que o Concello non puido sacar adiante como as luces de nadal ou o do servizo de gasoil, recentemente suspendido.

García Patiño quixo deixar claro que “Cambre é un concello como o resto, pero só Cambre se encontra nesta situación de bloqueo”. “Teño un sentimento de impotencia total, moito máis de ir peregrinando por administracións, de todos recibimos a súa comprensión pero de ningún unha solución” ao secuestro. Recoñeceu que apenas o Consello Consultivo conseguiu aportarlle un informe para manter activo algo tan básico o servizo de abastecemento de auga. “Como pedimos a unha administración pedirlle un servizo pero non pagarlle. Iso chámase excravitude”.

”Para unha persoa da empresa é difícil de pensar que non existan fórmulas para pagar as débedas tendo nas contas 23 millóns de euros” ou modos de fiscalizar o traballo dos funcionarios. “Con outros habilitados fumos capaces de facer moitos cambios, moitas cousas”, pero agora “non podemos facer nada”, sentenciou.

Ants de rematar quixo agradecer a colaboración da veciñanza, das asociacións, aos “compañeiros de goberno” do PSOE, aos seus compañeiros de partido, traballadores municipais, aos alcaldes e alcaldesas da áraea metropolitana, e especial ao alcalde de Abegondo, Jose Antonio Santiso, e de Arteixo Carlos Calvelo. Emocionouse, despois de 20 minutos de rolda, ao agradecer á familia.

Con todo, deixou claro que “deixo a alcaldía pero non a política. Este partido é tamén a mmiña familia e seguirei dende aquí, como presidente de Unión por Cambre, loitando polo ben de Cambre. “Entrei como o fillo de Clotilde de Luis o ferrador, e marcho igual”, rematou entre bágoas.

Máis novas

Óscar García Patiño: “As Deputacións a día de hoxe non valen para nada. Son chiringuitos. Deberían ser puramente técnicas”

Suspenden o servizo de gasoil para o Concello de Cambre por falta de pagamento

O alcalde de Cambre suspéndese a nómina ata resolver os pagos a proveedores provocado polo “bloqueo” da Secretaría

 

ÚLTIMAS

A veciñanza pide rescatar a liña de bus 10 para o barrio da Sagrada Familia

A política urbanística municipal leva anos apostando por unha humanización das nosas rúas, pola...

O PP pide á alcaldesa da Coruña que cese ao edil de Economía

O grupo municipal do PP no Concello da Coruña instou á alcaldesa, a socialista...

A instalación da pasarela de Solymar provocará afectacións ao tráfico

Recta final para as eternas obras do cruzamento de Solymar, en Perillo, Oleiros. Actualmente,...

Alcaldes socialistas acusan á Xunta de “afogar” aos municipios: “A factura das competencias impropias ascende a 600 millóns ao ano”

O consello de alcaldes socialistas da provincia da Coruña acusou á Xunta de "afogar" ás economías...

DEIXAR UN COMENTARIO

Please enter your comment!
Please enter your name here