A explosión dunha caldeira en Arteixo deixa a dúas persoas feridas por queimaduras. Ambos foron trasladados ao Complexo Hospitalario da Coruña (Chuac) debido ás lesións provocadas pola auga quente.
Segundo informa o 112 Galicia, a explosión ocorreu sobre as 21,00 horas do pasado martes. Os principais avisos chegaron a través dos Bombeiros de Arteixo, que xa ían en camiño, e dos profesionais de Urxencias Sanitarias de Galicia-061 coas súas dotacións preparadas.
Segundo explicaron os bombeiros ao 112 Galicia, os danos producíronse pola explosión dunha caldeira no interior dun domicilio situado na Travesía de Oseiro, en Arteixo. Ademais das lesións que isto causou aos ocupantes da vivenda, rexistráronse danos materiais, pois se derrubou un tabique que dividía a cociña dun comedor e rompeu unha xanela.
Cando chegaron os equipos de emerxencias, atoparon ás persoas afectadas completamente molladas e cubertas de borra. Completaron o operativo os efectivos do Servizo Municipal de Protección Civil e os axentes da Policía Local e da Garda Civil.
