InicioA CORUÑAPersoal da sanidade privada realiza novas concentracións na Coruña nunha folga con...

Persoal da sanidade privada realiza novas concentracións na Coruña nunha folga con “seguimento masivo”

Publicada o

Por europapress

Traballadores da sanidade privada da Coruña protagonizaron este xoves novas concentracións coincidindo con outra xornada de folga con “seguimento masivo”, segundo os sindicatos convocantes, para afear á patronal o seu “inmobilismo” nas negociacións en torno ao novo convenio.

O calendario de protestas intensifícase a partir deste xoves, tal e como explicaron en rolda de prensa hai semanas representantes de CIG, UGT e CCOO, que rexeitan ir a mediación tal e como propón a parte empresarial. Así, haberá de novo folga este venres, 15 de marzo, e máis a mediados dos meses de abril e de maio.

O responsable da negociación por parte da CIG, Miguel Tizón, celebra o “seguimento masivo” deste paro, que foi de case o 100% no Quirónsalud da Coruña e “moi elevado” no Modelo e o Belén, tamén na cidade herculina, así como na Rosaleda e A Esperanza, ambos en Santiago. No Juan Cardona de Ferrol, a incidencia foi “algo máis irregular”. Así mesmo, os empregados protagonizaron concentracións fronte ao Quirónsalud e á Rosaleda.

Neste contexto, Tizón denuncia que as propias empresas levan “toda a semana presionando a traballadoras e traballadores de maneira verbal e a través de mensaxes corporativas”. No caso de Quirón, o responsable da CIG denuncia que “leva programando intervencións por encima do cociente que debería” para influír no seguimento da folga. Tamén acusa de ter esta actitude ao grupo HM, responsable do Belén e A Esperanza.

Ante estas actuacións que os sindicatos consideran “gravísimas”, dirixíronse á Inspección de Traballo para pedirlle que acuda leste mesmo xoves aos hospitais e comprobe os “abusivos” servizos mínimos.

“CHANTAXE”

A folga chega ante a “chantaxe” que ven na actitude da patronal, ao solicitar unha mediación laboral para avanzar na negociación do novo convenio, despois de que o anterior caducase xa en 2022.

Os representantes dos traballadores critican que a proposta da parte empresarial aínda exceden o que consideran ‘liñas vermellas’: a eliminación do sistema de trienios, a modificación das retribucións das baixas e que non se paguen os domingos.

Ante esta situación, Miguel Tizón asegura que a semana pasada solicitaron “por escrito” á patronal retomar o diálogo, “sen obter resposta algunha”. Ademais, visto que “tampouco” lles responde a Consellería de Sanidade, proximamente acudirán á Valedora do Pobo.

ÚLTIMAS

Morre un home na praia do Orzán, menos dun día despois doutro falecido en Riazor

Un home perdeu a vida na mañá deste mércores na praia do Orzán, na...

A concesionaria do servizo de lixo da Coruña comeza a aplicar man dura contra os folguistas

A concesionaria do servizo de recollida de lixo da Coruña, Prezero, comunicou 29 sancións graves este...

O 4 de marzo, martes de Entroido, e o 24 de xuño, San Xoán, serán festivos na Coruña en 2025

O Concello da Coruña decretou que o 4 de marzo, martes de Entroido, e o 24...

Mariscadores do Burgo secundan unha nova concentración á espera dunha solución ás axudas que reclaman

Membros da Confraría de Pescadores da Coruña mobilizáronse, este mércores ante a Delegación do Goberno, para esixir...