A Sala de Exposicións Salvador de Madariaga, situada no edificio municipal de Durán Loriga, estreaba onte a mostra ‘Fuxan os ventos. 50 anos de historia’.

Unha exposición que permite realizar unha viaxe polo percorrido da formación musical. Fotografías, carteis, instrumentos, poemas, partituras e audios inéditos son algunhas das pezas a través das cales o público poderá mergullarse na cronoloxía e no universo creativo de Fuxan os Ventos, nunha mostra que, ademais, conta coas achegas de múltiples persoas e entidades culturais do país.

O proxecto expositivo idéase por un grupo de persoas entre os que se atopan varios membros de ‘Fuxan os Ventos’, a comisaria Sabela Fraga, a directora de arte Melania Freire e a coordinadora do proxecto Noa Díaz. Onte na presentación, tamén acomparon ao concelleiro Gonzalo Castro membros da banda como Carmen Vázquez, Antón Castro e Tereixa Novo.

A mostra é de acceso libre á cidadanía ata o 2 de xuño, en horario de 12.00 a 14.00 e de 18.00 a 21.00 horas.