- A gala será retransmitida por streaming na canle do Premios María Casares ás 20.30 h
— —
Os XXVIII Premios de Teatro María Casares entregaranse este xoves, 21 de marzo, no Teatro Rosalía de Castro a partir das 20.30 horas. A gala de entrega será un homenaxe ao teatro musical con “mar de fondo” no que os elementos marítimos serán unha constante sobre o escenario. Así o adiantou esta mañá a actriz Sara Fandiño, directora artística da gala, que contará sobre o escenario cun elenco formado por Alba Tojeiro, Germán Prenta, Iván L. Estévez, Iván Márquez, Mario Lagoas, Rocío Salgado e Verónica Peinado.
Na gala terán gran protagonismo as lendas do mar, o espírito atlántico e dous arquetipos fundamentais no imaxinario marítimo universal: os piratas e as sereas.
Pola súa banda, Eva Fórneas resaltou a implicación de máis de 50 profesionais de diferentes ámbitos na gala, ademais do número de inscricións a estes premios. “Se presentaron 47 espectáulos, dos que 19 aspiran a levar algún dos 16 galardóns nos que se dividen os premios”, apuntou a vicepresidenta da entidade organizadora en relación a unha gala que será retransmitida por streaming na canle de Premios María Casares.
19 espectáculos Finalistas
Este ano os Premios rexistraron a maior inscrición dos seus 28 anos de historia. Presentáronse un total de 47 espectáculos, dos cales 19 aspiran a levar este xoves algún dos 16 galardóns nos que se dividen os Maria Casares.
Durante a gala entregarase, ademais, o ‘Premio de Honra Marisa Soto’ a María Barcala.
