InicioPOLÍTICA "Honradez, traballo e responsabilidade", os principios de María Pan, primeira alcaldesa de...

 “Honradez, traballo e responsabilidade”, os principios de María Pan, primeira alcaldesa de Cambre

Publicada o

Por europapress

A ata agora edil de Facenda María Pan é desde este venres nova alcaldesa de Cambre  — a primeira muller en ostentar este cargo neste municipio — tras a súa elección no pleno celebrado nesta xornada, na que contou co apoio do seu grupo, Unión por Cambre, e da exconcelleira do PP, María Elena Lauda.

Foi co respaldo en total de oito edís mentres que a Diana Piñeiro, do PP, que tamén se postulaba votáronlle os catro do seu grupo. As demais formacións, Alternativa dos Veciños, BNG e PSOE — ata agora socio de goberno de Unión por Cambre — abstivéronse.

No seu discurso, a nova rexedora apelou ao diálogo e comprometeu “honradez, traballo e responsabilidade”. Tamén dixo que buscarán “solucións para que a dimisión do alcalde — manifestou sobre o seu antecesor e presidente de Unión por Cambre, Óscar García Patiño– non caia en saco roto”.

Todo iso asegurando que traballarán para “saldar a débeda con empresas e entidades sociais e afrontar a contratación de servizos básicos”, despois de que a falta de pagamentos e o bloqueo administrativo, que Patiño achacou ao posicionamento da interventora e a secretaria municipal, motivasen a súa dimisión.

Foi nun pleno no que o edil de Unión por Cambre Dani Mallo cualificou de “histórico” o día polo feito de que por primeira vez haxa unha alcaldesa, á vez que pediu aos demais grupos ser “xustos” con ela.

FOTO CAMBRE- Maria Pan Lesta elegida nueva alcaldesa 2

“TRÁNSFUGA”

A concelleira Diana Piñeiro, do PP, e que tamén se postulou, tidló de “tránsfuga” á ex edil popular que apoiou á nova rexedora e reprochou a Unión por Cambre e PSOE “incompetencia” á fronte do goberno local.

Por parte do grupo socialista apelouse a un “cambio de rumbo, sobre todo na xestión administrativa”, mentres que desde as filas do BNG instouse á nova alcaldesa a “corrixir os erros” anteriores. Á súa vez, desde Alternativa dos Veciños ofreceuse diálogo, sumándose á petición de cambio de rumbo.

 

ÚLTIMAS

As persoas en semiliberdade do CIS afondan na súa sensibilización ambiental

Continúa medrando o proxecto Entre Crebas, que está a convertir ás persoas que cumplen...

54 centros de ensino participarán no Día da Ciencia na Rúa

O Día da Ciencia na Rúa volverá ser unha realidade o vindeiro 4 de...

O Depor activa o modo ascenso

Xornada 33 – Deportivo 2 – 0  Cultural Leonesa Unha semana máis, un...

O Día do Libro celébrase co 150 aniversario de Picadillo, o gran supervendas da cociña

Vai coñecendo a xente da Coruña, e de Arteixo, a historia Manuel Puga y...