InicioSOCIEDADEO Consorcio Provincial da Coruña acorda por fin recoñecer a todos os...

O Consorcio Provincial da Coruña acorda por fin recoñecer a todos os Bombeiros da provincia como persoal laboral fixo

Publicada o

Por Ubaldo Cerqueiro

Máis dun ano de loita e parece que vai dando os seus froitos. Así o entende o colectivo dos Parques de Bombeiros da provincia, que vén como o Consorcio Provincial Contra Incendios e Salvamento da Coruña acaba de propoñer (a falta da aprobación no pleno do 26 de abril) o paso a persoal laboral fixo de 174 prazas subrogadas desde o 1 de xaneiro de 2020 das empresas que prestaban o servizo.

Falamos dunha das peticións fundamentais que levaron aos Bombeiros de todo o país a protagonizar as concentracións laborais máis tnesas que se recordan. Con todo, o día 11 aínda haberá nova reunión e quedan sobre a mesa outras reivindicacións, como a mellora do material de traballo, ou a Relación de Postos de Traballo.

Con todo, os 174 traballadores dos 9 parques da provincia (Carballo, Arteixo, Betanzos, Ordes, Arzúa, Boiro e Ribeira abertos en 2004; ou os de As Pontes, Santa Comba e Cee, abertos varios anos máis tarde), despois de década de traballo, vén unha luz tras moitos meses de batalla.

Será este o primeiro acordo deste tipo acadado no eido autonómico, procedendo en vindeiras datas a aprobar os convenios en Lugo, Pontevedra e Ourense.

A mesa de negociación estivo integrada polo deputado provincial, José Ramón Rioboo Castro, o subdirector Xeral de Seguridade e Coordinación da Dirección Xeral de Emerxencias e Interior da Xunta de Galicia, Andrés Iglesias López, o xerente do Consorcio, José Luís Barca Añón, e as asesoras xurídicas da entidade Graciela Riveiro e María Luisa Pena, así como agrupacións sindicais representativas dos traballadores e traballadoras.
Na reunión, mantida nas instalacións do Consorcio en Carballo, acordouse entre a entidade provincial e a parte sindical a incorporación destes 174 profesionais como persoal laboral fixo do Consorcio, así como o recoñecemento da antigüidade dos traballadores e traballadoras.
A formalización da aprobación definitiva terá lugar na vindeira sesión plenaria do Consorcio, programada para o vindeiro 26 de abril.

Máis info

Bombeiros e administración achegan posturas para asinar un acordo provisional

Máis de 300 Bombeiros maniféstanse na Coruña ante unha enorme despregadura policial

ÚLTIMAS

Kate Ryan, Mocedades, Los Panchos, Los Planetas e Omar Montes actuarán nas festas de María Pita

Kate Ryan, Mocedades, Los Panchos, Los Planetas e Omar Montes serán algunhas das propostas...

Morre un home de 88 anos na praia de Riazor

Un home de 88 anos, con iniciais J.S.M., faleceu este martes cando se bañaba...

Aprobado un novo edificio de 7 pisos na Avenida de Arteixo

Aprobaba onte o Concello da Coruña a autorizacón á promotora Highfive, o proxecto de...

O persoal de recollida de lixos esixe unha reunión ao Concello para resolver o conflito

O persoal do servizo de recollida de residuos sólidos urbanos da Coruña esixiu unha...

DEIXAR UN COMENTARIO

Please enter your comment!
Please enter your name here