A delegada da Xunta na Coruña, Belén do Campo, apelou a un “acordo amplo” sobre o futuro dos peiraos coruñeses, no seu primeiro encontro institucional, á fronte da Delegación Territorial, co presidente da Autoridade Portuaria da Coruña, Martín Fernández Prado.

Na reunión, abordaron os retos que afrontan ambas as administracións de face ao futuro, entre o que destaca a definición da futura fachada marítima da Coruña. A delegada referiuse tamén á importancia do porto coruñés para a cidade herculina e para Galicia e a necesidade de seguir potenciando esta infraestrutura.

Outro dos temas abordados foi “a importancia do sector pesqueiro e os retos de futuro que afrontan como un de lso principais motores económicos da cidade”, sinala a Delegación da Xunta.