Levamos semanas repasando o soño que vive o deporte coruñés co gran papel que están realizando moitos dos nosos clubs en diferentes disciplinas.
Polo camiño caeron, en boa parte pola falta de apoio económico da cidade ao deporte feminino, o Maristas, o Volei Zalaeta que caían camiño do ascenso, o CRAT que perdía a Copa, ou un Hockey Coruña que non podía facerse co título da Champions. Pero aínda hai equipos que demostran o potencial que ten esta cidade en materia deportiva.
Así acontece co múndo do hockey, con 2 equipos entre os 20 mellores de España e outros 2 entre os 40.
E así acontece con dous dos trasaltánticos deportivos da cidade (co permiso do Liceo, claro). Dépor e Leyma Basquet Coruña viven unha semana tremenda, pensando na doble cita que temos preparada para Riazor, con pantalla xigante que vai instalar o Concello no pavillón, tanto para o venres ás 21:00 para o choque do Leyma en Melilla; como o domingo ás 19:00h para ver o Dépor-Barça Athletic que se xoga en Riazor.
Así estaba a pantalla xigante o ano pasado para ver o fatídico choque do Dépor en Castellón…
De tolos esta afección do @RCDeportivo 🙈@fpdeportivistas pic.twitter.com/fmAxJZSYr9
— Xornal da Coruña (@xornaldacoruna) June 11, 2023
O Dépor
Despois do ascenso do Depor FEM, esta fin de semana o equipo branquiazul celebraba o título da División de Honra Xuvenil e o pase á prestixiosa Copa de España. Ao mesmo tempo o Fabril certificada a súa necesaria permanencia na 2ª RFEF, xusto cando Lucas marcaba en Sestao o gol que lle permite ao Dépor afrontar a penúltima xornada con posibilidades de certificar o ascenso directo na casa.
Para o noso analista branquiazul Miguel Barreiro “chegou o momento”, e despois de moita cautela e moitos “fuciños”, considera que non se nos pode escapar o ascenso.
Ademais, a Federación de Peñas invita a vestir a cidade de branquiazul:
O partido do próximo domingo comezámolo a xogar hoxe!!! Imos tinguir A Coruña de branquiazul! Colga a túa bandeira no balcón,no escaparate do teu negocio…imos estar apoiando ao equipo dende o primeiro minuto. Desta vai!! Dale dale dale dale Dé!! Fórza Dépor!!💙🤍💙🤍💙🤍🍍🍍🍍 pic.twitter.com/yvGk1m1tuC
— Federación de Peñas Deportivistas🍍 (@fpdeportivistas) May 5, 2024
O Leyma, con todo a favor
Moi mal se teñen que dar as cousas para que o Leyma non ascenda este venres. O equipo deu a talla nun Riazor ateigado con 4.361 e superou con solvencia ao Castellón. O acerto no triple no segundo tempo (acompañado pola falta de acerto do rival) permitiu que os de Epifanio fosen escapando no marcador, e malia un sustiño nos últimos 5 minutos cando o equipo rival se puxo a 7 tras varias perdas de balón, o cadro laranxa demostrou a súa superioridade.
E sobre todo o seu poderío mental, no seu camiño cara conseguir todo un ascenso a ACB, algo que o club leva intentando case 10 anos, pero sempre caendo ás portas, no fatídico playoff. Este ano non haberá playoff e o camiño á máxima categoria seróa de forma directa. Así o ratificaría unha vitoria o venres en Melilla, ante un equipo que se xoga o descenso, iso si, e mesmo se podería celebrar cunha derrota, sempre que non gañe San Pablo Burgos, ou que gañe San Pablo pero tamén Lleida, o que provocaría un triple empate no que o favorecido sería o Leyma. Está medio feito, pero hai que certificalo cunha festa o venres en Riazor.
Ferve o #FornodeRiazor para ver o penúltimo chanzo do @basquetcoruna para alcanzar o soño da #ACB!!!
O @NaranjaTsunami non para de animar nun pavillón cheo ata a bandeiraaaaa!!! pic.twitter.com/HRAYbeWT3o— Xornal da Coruña (@xornaldacoruna) May 5, 2024
O OAR, camiño da D.H. Plata
outros que manteñen vivo o ascenso son os do Balomnán Attica 21 OAR, que tras quedar no 2º posto da 1ª Nacional conseguiron o pase para a Fase de Ascenso á División de Honra Plata, a segunda categoría do balonmán estatal. A fase será o 17, 18 e 19 de maio.
View this post on Instagram
Máis novas
O deporte feminino coruñés esperta do soño ante a falta de apoios
HC Coruña, CRAT, OAR e Volei Zalaeta alimentan o soño do deporte herculino
