InicioCAMBREAs familias do Graxal mobilízanse mentres o Concello adxudica o contrato de...

As familias do Graxal mobilízanse mentres o Concello adxudica o contrato de emerxencia sanitaria

Publicada o

Por Ubaldo Cerqueiro

Dende comezos de curso, pero sobre todo dende xaneiro, a problemática coa limpeza no Colexio O Graxal, de Cambre. Os problemas coa concesión da empresa Jardincelas, as folgas no seo a empresa, e o bloqueo administrativo que mesmo levou á dimisión do alcalde, levan provocando que apenas haia uha limpadora dispoñible durante 2 horas ao día (“apenas ten tempo para baleirar papeleiras e limpar os baños por riba”) para un cole con 400 alumn@s, con nen@s de 3-4 anos xogando polo chan.

A ANPA leva meses protestando e mobilizándose, con concentracións como a que farán esta tarde de venres ás 18:00h no edicifio do Temple das Palmeiras. Alí van ler un comunicado no que explicarán as súas demandas e poderán comentar as conclusións sacadas da reunión que terán pola mañá no Concello.

Se ben o Concello, que declaraba o estado de emerxencia a semana pasada, vén de anunciar este mesmo xoves que acaba de adxudicar un contrato de urxencia para garantir a limpeza en colexios, centros de saúde e instalacións municipais, dende a ANPA Mencer afirman que “ata que non o vexamos, non o cremos”. Entenden, ademais que “non tiñan que esperar tanto”, e que ademais agora, a loita xa trascende á ANPA e son todas as familias as que o están liderando.

A conclusión máis importante que sinalan é clara: “Non queremos que sexa algo temporal, queremos que sexa xa, pero tamén que sexa permanente”, sinalan dende a ANPA.

O Concello de Cambre adxudica un contrato de emerxencia

A empresa Tragsa encargarase, temporalmente mediante contrato de urxencia, da limpeza das instalacións municipais. Así o confirmou esta mañá a alcaldesa de Cambre, María Pan, tras proceder á adxudicación do contrato. A adxudicación prodúcese sete días despois de que a rexedora decretase a emerxencia sanitaria pola falta de limpeza en colexios, centros de saúde e o resto das instalacións municipais. Ante as dúbidas suscitadas polos veciños, o primeiro edil aclara que esta empresa “levará a cabo as tarefas de limpeza ata que se regularice con éxito definitivo o servizo, é dicir, ata que se licite e adxudique o servizo” estimando un tempo de duración deste. contrato de emerxencia nuns seis meses.

Afirman que se tratará dunha medida temporal e irá paralelamente a dúas tarefas: a regularización do servizo cos novos pregos e o pagamento das facturas pendentes á empresa que, ata agora, realizaba estas tarefas.

Culleredo saca á licitación o servizo

Curiosamente, o Concello de Culleredo, que tamén tivo moitos problemas coa empresa Jardincelas, anunciaba hoxe tamén que saca a licitación o servizo de limpeza de edificios, dependencias municipais e colexios públicos por 1,04 millóns anuais. O prazo de presentación de ofertas remata o 6 de xuño nunha adxudicación de 2 anos que inclúe ata tres prórrogas, tamén anuais. A nova prestación suporá un notable incremento do persoal e do tipo de frecuencia de traballo, coa gran novidade da figura de retención nos centros educativos.

Novas relacionadas

Decretan emerxencia sanitaria en Cambre para contratar de forma urxente a limpeza en colexios

ÚLTIMAS

Homenaxe do PPdeG a Luísa Villalta coa presenza da nai, a irmá e un sobriño

O PPdeG celebrou este sábado un acto na Coruña polas Letras Galegas no que reivindicou...

Sabías que Pablo Picasso se estreou como retratista na Coruña?

Pablo Ruiz Picasso era un neno de 9 anos cando chegou á Coruña, aló...

A Coruña homenaxea a Luísa Villalta, “activista polo idioma” e muller “comprometida”

Autoridades e familiares de Luísa Villalta reivindicaron a obra e a figura da escritora...

Coruña homenaxea a Luísa Villalta, a poeta da ‘Cidade Alta’

Galicia celebra un ano máis a festa da súa lingua e das súas letras. A...

DEIXAR UN COMENTARIO

Please enter your comment!
Please enter your name here