InicioECONOMÍAO porto da Coruña recibiu case 75.000 viaxeiros de cruceiros no comezo...

O porto da Coruña recibiu case 75.000 viaxeiros de cruceiros no comezo de 2024

Publicada o

Por monchomarino

O porto da Coruña recibiu un total de 74.263 pasaxeiros de cruceiros no primeiro cuadrimestre do ano, o que supón un incremento do 68% respecto ao mesmo período do 2023, segundo os datos publicados por Portos do Estado este mércores.

Este aumento contrasta coa caída do 41,2% que sofre o porto de Vigo entre xaneiro e abril, que queda en só 20.190 cruceristas, uns 14.000 menos que un ano antes.

Estes son os dous principais portos de cruceiros en Galicia, pero a autoridade portuaria de Ferrol-San Cibrao computou 3.163 pasaxeiros, un 38,6% máis na comparativa interanual do primeiro cuadrimestre.

En cambio, Vilagarcía de Arousa, que nese período recibira 783 pasaxeiros en 2023, agora queda con ningún visitante.

CAEN AS MERCADORÍAS

No tocante aos tráficos de mercadorías no seis portos de titularidade estatal en Galicia (que se corresponden con cinco autoridades portuarias), hai unha baixada do 6,5% entre xaneiro e abril de 2024 fronte a eses meses de 2023. O total queda en 10,3 millóns de toneladas.

A maior caída relativa sófrena as mercadorías de Ferrol-San Cibrao, cun 28,7% menos, ao que seguen os descensos de Vilagarcía (-5,4%) e A Coruña (-2,1%), que é o de maior volume (4,9 millóns de toneladas). En cambio, repuntan Marín (18,8%) e Vigo (15,1%).

ÚLTIMAS

Sanitarios volven pedir medidas “inmediatas” contra as agresións: “Queremos traballar en condicións de seguridade”

Profesionais sanitarios secundaron unha nova mobilización ante o Hospital Universitario da Coruña para demandar...

Chisco Fdez. Naval: “Meus fillos tiñan que saber”

Estas semanas, a Asociación pola Recuperación da Memoria Histórica, coa colaboración municipal, está instalando...

As Veterinarias manifestaranse este domingo na Coruña esixindo a súa liberdade para prescribir

O sector veterinario ten dito basta. Xa este pasado martes, as clínicas de todo...

CCOO convoca unha manifestación na Coruña pedindo a modificación dos cambios na devolución do IRPF a mutualistas xubilados

CCOO convocou mobilizacións o día 20 de febreiro en toda España para instar o...

DEIXAR UN COMENTARIO

Please enter your comment!
Please enter your name here