InicioCULTURAO proxecto "Aquí tamén se fala" leva un dos Premio Rosalía de...

O proxecto “Aquí tamén se fala” leva un dos Premio Rosalía de Castro de Lingua

Publicada o

Por europapress

A escritora, sociolingüista, política e profesora Pilar García Negro; o movemento de renovación pedagóxica Nova Escola Galega e o proxecto Aquí tamén se fala, do IES coruñés Rafael Dieste, gañaron o Premio Rosalía de Castro de Lingua.

Trátase dun galardón convocado pola Deputación da Coruña cun xurado presidido pola deputada de Lingua da institución provincial, Soidade Agra.

O xurado decidiu premiar a García Negro por “o seu firme compromiso co galego en todos os lugares e en todas as circunstancias, o que lle custou multas e expedientes”. De Nova Escola Galega, resalta a súa “importancia como movemento de renovación pedagóxica referencial” en Galicia.

Aquí tamén se fala

Na categoría de proxecto concreto de dinamización lingüística que realiza un traballo específico cos tramos da poboación de menor idade, infancia e mocidade, o xurado escolleu a proposta de Aquí tamén se fala, promovido polo EDNL do IES Rafael Dieste da Coruña, “por ser a maior campaña de dinamización da lingua galega da historia exercida activamente pola mocidade”. “Trátase”, destacou o comité, “dun modelo pedagóxico en prol da lingua que nace dentro dos muros dun centro educativo mais coa vocación de os transcender e chegar a toda a sociedade e a todos os ámbitos”. O xurado puxo tamén en valor as “novas e ambiciosas” liñas de actuación do proxecto:

  • Acción de rúa.
  • Consecución de apoios e compromisos por parte dos principais clubs deportivos de Galicia.
  • Viralidade en redes a partir das reflexións sobre lingua por parte de referentes culturais galegos e internacionais, formación do alumnado no sector audiovisual para elaborar entrevistas e gravacións musicais con bandas da escena en lingua galega.
  • Creación dun festival musical aberto á cidadanía e monolingüe en galego.
  • Pílulas sociolingüísticas e audiovisuais protagonizadas polo alumnado e a comunidade educativa.
  • Un traballo que naceu coa vocación de ficar, manter liñas de traballo e programar novas para os próximos anos.

Máis novas

“Aquí tamén se fala” convértese en Festival!

O #Aquítaménsefala e o Recuncho Gamer reciben os Premios Mil Primaveras

#Aquitaménsefala: A BSO do IES Rafael Dieste faise en galego

ÚLTIMAS

Os Murais de Azulexo de Lar volven converter A Mariña nun museo a ceo aberto

Volve converterse a zona da Mariña nun Museo a Ceo Aberto coa instalación da...

Mariscadores a ría do Burgo denuncian que “hai quen non pode afrontar pagos” e urxen axudas

Mariscadores e mariscadoras da ría do Burgo han secudando este venres unha nova concentración en...

O evento tecnolóxico ‘Ecosystems’ reunirá o día 28 no Palexco a mulleres líderes no sector

O evento de ecosistemas tecnolóxicos 'Ecosystems' reunirá o día 28, na Coruña, a mulleres...

Inaugurado o paso inferior e a ligazón de Sol e Mar en Oleiros

O delegado do Goberno en Galicia, Pedro Branco, e o alcalde de Oleiros, Anxo...