InicioECONOMÍAPersoal da consultora DXC Technology mobilízase na cidade contra a "perda de...

Persoal da consultora DXC Technology mobilízase na cidade contra a “perda de poder adquisitivo”

Publicada o

Por Amanda Ferpe

Persoal do grupo DXC Technology dos centros da Coruña e Santiago están chamados nesta xornada, e na dos días 4 e 5, a xornadas de folga contra a “perda de poder adquisitivo”.

“De entre un 17 e un 19 por cento neste últimos catro anos”, manifestou, en declaracións a Europa Press, o responsable de Servizos Técnicos de CCOO-Servizos, Iván Cordeiro, sobre unha situación que afecta en España a “entre a 6.000 e 7.000 persoas”.

“A nivel de Galicia estamos a falar dunhas 500 persoas, entre o centro de traballo da Coruña e de Santiago”, concretou nunha xornada de mobilización na cidade herculina ante oficinas dos seus principais clientes, Abanca e Bankinter.

Respecto ao seguimento da folga, explicou que é “difícil” de cuantificar “porque hai moitísimo teletraballo” no sector. No entanto, apuntou que nas últimas mobilizacións en Galicia “houbo un seguimento de aproximadamente un 30% do persoal”. “Cremos que hoxe houbo aínda máis”, apostilou. Con esta xornada de protesta, lembrou, cúmprese o terceiro mes de folgas do persoal de DXC, que xa secundou dous días de paro en marzo e outros dous no mes de abril.

En canto á afectación aos clientes das entidades bancarias, Cordeiro sinalou que “principalmente na Coruña o máis afectado é Abanca, igual que nas pasadas concentracións” nas que “houbo bastante repercusión”. En contraposición, fontes da entidade financeira indicaron a Europa Press que a folga non afectou aos seus clientes.

ÚLTIMAS

Mariscadores a ría do Burgo denuncian que “hai quen non pode afrontar pagos” e urxen axudas

Mariscadores e mariscadoras da ría do Burgo han secudando este venres unha nova concentración en...

Inaugurado o paso inferior e a ligazón de Sol e Mar en Oleiros

O delegado do Goberno en Galicia, Pedro Branco, e o alcalde de Oleiros, Anxo...

Presentado o programa do Orgullo coruñés

A festa do Orgullo coruñés comezará este sábado 22 de xuño e prolongarase ata...

Persoal da Axencia Tributaria demanda nunha protesta na Coruña melloras laborais

Máis dun centenar de traballadores e traballadoras da Axencia Tributaria (AEAT) secundaron na Coruña...

DEIXAR UN COMENTARIO

Please enter your comment!
Please enter your name here