A sede Afundación da Coruña acolleu esta tarde a inauguración da exposición ‘A nosa arte. Colección do Parlamento de Galicia‘, unha selección de 40 pezas das 300 obras de arte galega que conforman a Colección do Parlamento.

O acto de inauguración contou coa asistencia do presidente do Parlamento de Galicia, Miguel Anxo Santalices; o conselleiro de Educación, Ciencia, Universidades e Formación Profesional, Román Rodríguez e o conselleiro de Cultura, Lingua e Xuventude, José López. Tamén o presidente da Real Academia Galega de Belas Artes, Manuel Quintana Martelo; Carlos Vale, unha do tres persoas que comisariaron a mostra; e Marité Cores, coordinadora da área de Cultura de Afundación.

No acto inaugural, o presidente do Parlamento galego, Miguel Anxo Santalices, lembrou que a colección está integrada por pezas en maioría en propiedade, aínda que tamén contan con obras cedidas. Ademais, asegurou que se trata dunha “visita obrigada, dado que a exposición proba o talento e a longa tradición artística da cidade herculina”.