InicioMOV. SOCIAISA Coruña celebra o 10º aniversario da coroación de Felipe VI cunha...

A Coruña celebra o 10º aniversario da coroación de Felipe VI cunha Festa da República

Publicada o

Por editor
A Coruña celebrará a súa Festa pola República. Será o mércores, 19 de xuño, coincidindo co 10º aniversario da coroación de Felipe VI. Haberá música, poesía e reivindicación. De feito, actuarán o Grupo Ozáns, Mini, Xosé Taboada, Paco Campos, Grupo Parabéns e Tombalobos Orquetra. A escritora Beatriz Maceda e o escritor Henrique Rabuñal lerán un breve texto sobre a República. O escritor, músico e artista Xurxo Souto presentará o evento.
Esta Festa da República terá lugar a partir das 20 horas, no Campo da Leña (praza de España) da Coruña. Para divulgar esta festa, colocaranse mesas informativas o luns, 17 de xuño de 19 a 21 horas no Cantón Grande da Coruña, e o martes, 18 de xuño, de 18 a 21 horas no Campo de Marte, xunto á biblioteca da Asociación Veciñal de Monte Alto.
Cando se cumpre o 10º aniversario da coroación como rei de Felipe VI os republicanos coruñeses chaman a toda a cidadanía para que se sume á construción dunha alternativa republicana. “É hora de expresar o noso compromiso en defensa da democracia e pola transformación social, con maior xustiza e liberdade para o noso pobo, e por iso queremos manifestar que estamos por un futuro republicano”, aseguran.
Na roda de prensa de presentación desta festa, lembrouse que en 2014, cando abdicou o rei Juan Carlos, unha plataforma cívica de entidades da comarca da Coruña convocaba unha manifestación baixo o lema GALIZA POLA REPÚBLICA E POLO DEREITO A DECIDIR coa participación de máis de 3.000 persoas.
Posteriormente, constituiuse a plataforma cívica Galiza pola República cunha concentración no Obelisco da Coruña o 23 de xullo de 2019, cando se cumpría o 50º aniversario da designación polo ditador Franco de Juan Carlos como o seu sucesor na Xefatura do Estado; e outra concentración o 13 dea bril de 2021, coincidindo co 90º aniversario da proclamación da Repúlbica, cun manifesto apoiado por máis de setenta entidades de Galiza.

ÚLTIMAS

Entidades veciñais convocan en María Pita por unha solución urxente ao problema do lixo pola “inacción” do goberno

Esta semana era a Federación de Asociacións Veciñais FAVA a que deixaba claro que...

Final da Eurocopa na Coruña: pantalla no Palacio dos Deportes de Riazor

A Coruña, Pontevedra, Abegondo e o concello ourensán de Cenlle tamén instalarán pantallas exteriores...

Acordo entre Rueda e Formoso para transferir estradas e centros educativos

O titular do Executivo galego, Alfonso Rueda, e o presidente da Deputación da Coruña,...

O informe da UCD poderá servir de “base” para o deseño da nova fachada marítima

Reuniuse esta mañá a Comisión Especial da Fachada Marítima, no salón vermello do Pazo...

DEIXAR UN COMENTARIO

Please enter your comment!
Please enter your name here