A circulación ferroviaria dos trens de media distancia entre A Coruña e Lugo xa se restableceu despois de permanecer interrompida desde a tarde do venres tras descarrilar un convoi de mercadorías no tramo situado entre Teixeiro (Curtis) e Oza dos Ríos.

Segundo informaron a Europa Press fontes de Renfe, a saída das vías tivo lugar sobre as 17,00 horas da tarde do venres e durante a xornada do sábado estivo afectada a circulación.

Renfe explicou que se estableceu un plan de transporte alternativo por estrada para garantir a mobilidade dos viaxeiros. Este domingo, sobre as 10.00 horas, Adif comunicou que a circulación xa se restableceu..