Novo programa de SKPMotor CuacFM xa nas redes e na web de CUAC.FM. Tralo obrigado “Momento Bache” inicial, mencionando unha fochanca na curva de acceso á estrada de Pocomaco desde Alfonso Molina e outro no Parking público do Burgo en Culleredo; o programa dirixido por Xurxo Varela, daba a benvida nos estudios da Zapateira ao novo piloto de motos Sergio de la Iglesia Varela (17anos).
Veciño de Cambre, Sergio tiña 6 anos cando se subiu por primeira vez a unha Minimoto no desaparecido Circuíto de Gandarío. A partir de aí foi evolucionando competindo no Campionato Galego de Velocidade ata dar o salto no ano 2023 ao Campionato de España de Superbikes competindo na Categoría de SuperSport 300.
Esta tempada 2025 acaba de comezar para Sergio o pasado 19 de marzo no Circuíto de Jerez pilotando unha Kawasaki 400 na estrutura do equipo andaluz Box77 Competición. En Jerez, Sergio acabou en P4 na carreira do sábado e P10 na do domingo, e comenta que chegaba un pouco “oxidado” despois do inverno sen adestrar e case sen competir.
Espéranlle 6 carreiras máis nos circuítos de Jerez, Navarra, Estoril e Motorland. O hándicap máis importante que ten este novo piloto de Cambre é a dificultade para poder adestrar, xa que en Galicia non dispón dun circuíto adecuado para a súa disciplina, esta semana Santa de desprazou ata Valencia para adestrar no Aspar Circuit.
Ata Noia
O pograma do xoves ás 23:00h, completouse cunha entrevista telefónica con Manuel Castro Presidente da Escudería Berberecho, organizadora do 40º Rally de Noia que se celebrará o 17 e 18 de abril por estradas de Brión, Lousame e Noia. ABerberecho é unha Escudería con 50 anos de historia organizando diferentes carreiras de automobilismo e o seu primeiro rally foi en 1984.
Manuel leva dous anos á fronte da presidencia da Escudería e sorpréndelle que en apenas 48 horas completouse a lista de inscritos chegando ao tope de 140 pilotos que permite o regulamento do Cpto. Galego de Rallys. Nesa lista de inscritos destacan dous vehículos pouco habituais nos rallys galegos, o Ford Puma N5 de Francisco Oviedo e o Opel Adam R2 de Jorge Pérez.
A Copa con máis pilotos inscritos volve ser a Criterium Galicia Recalvi con 29 pilotos loitando polo triunfo.
A acción desta 40ª edición do Rally de Noia comezará o venres 17 abril coas Verificacións Oficiais de 12 a 16.30 h para dar paso á Ceremonia de Saída ás 20h.
O sábado correrán os tres tramos TC1-Noia Tambre TC2-Lousame e TC3-Brión a dobre pasada desde as 10.30 h para finalizar no Parque Pechado de Labarta ás 18.30 h.
Podes escoitar o programa premendo esta ligazón ou acceder a todos os seus programas no seu espazo en www.cuacfm.org. E tamén podedes seguir tamén a través das redes sociais en Facebook e Instagram @escapemotor.cuac.
