Esta pasada tarde de luns celebrouse no salón de plenos de María Pita unha sesión do Consello Local da Infancia da Coruña, no que participaron 22 rapaces e rapazas de primaria de 13 centros educativos da cidade. Os conselleiros e conselleiras participantes do pleno presentaron ao equipo de goberno as tres propostas escollidas entre as máis de 200 ideas xordidas dos encontros.
Mellorar o deseño dos parques e espazos ao aire libre, conseguir unha cidade con máis natureza e mellorar as relacións entre o alumnado e o profesorado foron as tres medidas achegadas polo CLIAC ao Goberno Local no Pleno Infantil. Para elo realizaron un total de 21 encontros e actividadesentre os que destaca a asistencia a Encontro Galego de Consellos da Infancia no Carballiño, a visita ao Parlamento de Galicia e unha xornada de convivencia coas familias.
A alcaldesa, Inés Rey, comprometeuse a traballar nas necesidades expresadas polos pequenos.”As tres propostas que escollestes son moi necesarias e reflicten a vosa visión que dende hoxe mesmo facemos nosa”. Así mesmo, Rey trasladoulles o seu agradecemento por participar na iniciativa e por comprometerse coa cidade.
REPRESENTANTES DA INFANCIA
Nesta convocatoria participou rapazada de tres centrosCPR Karbo, alumno que pasou a IES SARDIÑEIRA; CPR Sagrado Corazón; CPR Salesianos San Juan Bosco; CPR Santo Domingo; CEIP Sal Lence; CEIP Ramón de la Sagra; CEIP Manuel Murguía, alumno que pasa a IES Elviña; CPR CID; CEIP Víctor López Seoane; CEIP Anxo da Garda; CEIP María Pita, 1 alumna que pasa ao IES Otero Pedrayo; CEIP San Pedro de Visma e CEIP San Francisco Javier, alumno que pasa a Maristas
O obxectivo último deste programa é a activación do CLIAC, un órgano representativo onde nenos e nenas de toda a cidade sexan os/as representantes da infancia e trasladen ao Concello as necesidades, propostas e suxestións ao redor das cuestións que lles afectan no día a día, exercendo así o seu dereito á participación e levando á práctica o traballo de cidadanía participativa.
