Volve o PP da Coruña no pleno deste vindeiro xoves 3 de outubro, incidir na baixa porcentaxe de execución dos Orzamentos de 2024. Xa o denunciou o ano pasado, criticando que o PSOE se deixase sen executar 100 dos 243 millóns do orzamento de 2022, pero as cifras deste ano van polo mesmo camiño.
O voceiro do PP, tras analizar o estado de execución orzamentaria que acompaña a documentación da modificación de crédito do M5, denuncia que o goberno socialista “só executou o 11% do orzamento de investimento despois do 75% do ano: ata o 24 de setembro só gastou 13M€ dos 114,76M€ presupostos para obras”.
No que respecta ao orzamento total, 431,3 millóns, a falta de tres meses para o peche, só se executou o 43% (188,8 millóns), con 242,5 millóns pendentes.
A porcentaxe é peor en cesións por obras realizadas por outros como subvencións para rehabilitación, instalación de ascensores, etc. Só se executou o 2,6%: 622.859,50 euros dos 23,89 millóns de euros orzamentados.
Fai balance ademais o PP, denunciando que o goberno socialista “deixou 225 millóns sen executar para os barrios nos seus 5 anos e isto vai camiño de record negativo”.
”Goberno en minoría”
No pleno deste xoves tamén alzará a voz o BNG que lle lembrará ao PSOE que goberna “en minoría”. O que favoreceu a investidura de Inés Rey lembra “os moitos exemplos que demostran que non ten nin maioría simple”, como poden ser proxectos tan importantes como o “convenio con Gingko sobre o futuro das Xubias, o nomeamento de Isabel Pardo de Vera como directora do Plan Estratéxico A Coruña 2030-2050 ou a candidatura para ser sede do mundial de fútbol masculino 2030”. Proxectos dos que o BNG asegura se enteirou pola prensa.
Por todo isto, piden “diálogo” e “consenso” e lembrou a necesidade de “cumprir o acordado”, di en relacióná negociación dos orzamentos para 2025.
Máis novas
As diferentes opinións de PSOE e BNG sobre a primeira reunión para negociar os orzamentos de 2025
Critican o baixo nivel de execución dos Orzamentos municipais
Critican o recorte e a falta de execución das axudas para a instalación de ascensores
