- O PP denuncia que o ano pasado o Concello deixou 100 millóns de euros sen executar, dos 243 do orzamento de 2022.
— —
Aprobou onte o pleno do Concello da Coruña un Orzamento de 375 millóns de euros para 2024. Unhas cifras, as máis altas da historia, acordadas entre o grupo de goberno do PSOE e o BNG, que contan con 93 millóns de euros para investimentos directos nos barrios.
Con todo, haberá que estar atento á porcentaxe de execución das obras. “De que vale que digan que teñen o orzamento máis alto se logo non o executan?”, pregúntase o voceiro do PP Miguel Lorenzo, tras analizar as contas. “Nin sequera eles cren que vaian executar o orzamento, pois no pleno xa manifestaron que podería ter unha vixencia superior a un ano. Falan da estratexia 2050 cando nin executan o orzamento dun ano nin a Axenda 2030. É un despropósito”, critica.
O voceiro popular considera que “o orzamento é un engano e fraude porque os ingresos están inflados, non o poderán executar (en 2022 deixaron 100M€ sen executar e en investimentos deixan 2 de cada 3 euros) e duplica a débeda co bancos a 90M€ (356€ por coruñés)”.
Dendeo PP tamén criitcan que sexa o 2º proxecto de orzamentos aprobado en 4 anos, usando prórrogas nos outros dous, e lamentan o gasto de 1,8 millóns en publicidade, “un 80% máis que a Emerxencia Social, un 80% máis que ás subvencións a vivenda ou ascensores, ou seis veces máis que a Dinamización do comercio local”.
Máis novas
As obras dos barrios nas que o Concello investirá 93 millóns de euros
Acordo entre o PSOE e BNG para priorizar os barrios, as axudas sociais e a busca de vivenda barata
