Un accidente de tráfico rexistrado esta mañá de martes na AP-9, á altura do municipio de Cambre, deixa retencións de cinco quilómetros na saída da cidade da Coruña en dirección Vigo.

O 112 Galicia informa de que o sinistro tivo lugar á altura de Pravio, en Cambre. O 061 envía unha ambulancia ata o lugar para atender a posibles feridos. Foron avisados Garda Civil de Tráfico, Policía Local de Cambre e servizos de mantemento.

A Dirección Xeral de Tráfico informa de tráfico lento entre os puntos quilométricos 6 e 11 da autoestrada, co carril dereito cortado.