O exfuracán Kirk, xa convertido en borrasca, deixa en Galicia nas primeiras horas deste mércores refachos de ata 150 km/h, estradas alagadas e problemas no tráfico ferroviario e aéreo.
Segundo informou Adif, a circulación ferroviaria entre Padrón e A Escravitude debido á caída dunha árbore sobre a infraestrutura. Sinalan que persoal de Adif traballa para solucionar a incidencia, que provocou o atraso de varios trens na liña que une A Coruña e Vigo. Ademais, a liña A Coruña – Ferrol, incluída a parada en Betanzos, está tamén cortada. Os transportes faranse por estrada.
CONEXIÓNS AÉREAS
As conexións aéreas tamén se viron afectadas, concretamente voos con orixe-destino Peinador (Vigo) e Alvedro (A Coruña). Air Europa cancelou este martes os voos entre Madrid e Vigo de primeira hora da mañá (6.40 e 10.40 horas) e os seus inversos, que despegaban ás 8.40 e 11.25 horas.
Tampouco despegaron os voos entre Madrid e A Coruña (6.40 horas) e o inverso das 11.10 horas. Entre as incidencias, destaca a voadura do tellado do polideportivo do instituto de Porto do Son (A Coruña), que obrigou a suspender as clases.
CASE 400 INCIDENCIAS EN GALICIA
O director xeral de Emerxencias e Interior, Santiago Villanueva, informou de que o 112 rexistrou unhas 371 incidencias e máis de 3.000 chamadas durante as primeiras horas da borrasca Kirk en Galicia.
“Como todo o mundo sabe, estamos a pasar unha borrasca de alta intenisdad que afectou en maior medida ás provincias de Pontevedra e A Coruña, e en menor medida, ás de Ourense e Lugo”, lembrou. Apuntou que as incidencias foron, sobre todo, caía de árbores e ramas nas estradas, xunto a obxectos de todo tipo.
CAÍDA DE ÁRBORES
Na Coruña, árbores obstaculizaron o tráfico. Tamén en diversos puntos de Cambre e Culleredo. Ademais, un desprendemento de terra provocou retencións no corredor Noia-Santiago. Os fortes refachos de vento tamén provocaron cortes de luz en diferentes puntos da xeografía galega, especialmente nas provincias de Pontevedra e A Coruña.
