A Audiencia Provincial da Coruña xulgará o vindeiro xoves a in interno da prisión de Teixeiro acusado de distribuír no interior do cárcere cocaína, heroína e haxix.

Segundo o escrito de acusación fiscal, os feitos remóntanse ao 28 de febreiro de 2023, cando o interno, que se atopaba cumprindo condena por un delito de tráfico de drogas, foi sorprendido en posesión de distintas cantidades de droga dentro do penal.

En concreto, tiña no seu poder 1,45 gramos de cocaína, algo máis de 17 gramos de heroína e 17,7 gramos de resina de cannabis.

Fiscalía considera os feitos como constitutivos dun delito de tráfico de drogas coa agravante de reincidencia e pide para el cinco anos de prisión, así como unha multa de 4.937,1 euros.