- Xornada 10 – Deportivo 1 – 1 CD Eldense
- Novo empate dun Depor que amosa moito caudal ofensivo e pouco premio cara as redes.
- Décimo partido no que vai de tempada (2V 4E 4D).
— — —
Esta é a frase máis repetida polo míster Idiákez dende que chegou á Coruña. Ben sabemos que hai que facerlle caso a este home, máis aló dos nervios que poidan xerar os resultados ou a clasificación nestes intres. Sabemos que o Depor de Imanol é un diesel, non alcanza grandes picos de velocidade máis nunca erra na súa efectividade.
Precisamente a efectividade de cara a porta é o tema máis comentado nas últimas semanas. Son moitos os medios que publican estatísticas relativas a posesión, ao número de toques preto da área, a cantidade de xogadores involucrados no ataque e, por riba de todo, o pouco acerto cara ao gol. Nove goles a favor leva o Depor e cinco meteunos no mesmo encontro, é dicir, catro goles en nove partidos. Pouco rédito para tanto dominio amosado neste primeiro tramo de Liga.
Sen embargo, hai motivos para crer que isto trocará dentro de ben pouco. Por exemplo, o Depor é un equipo que leva sempre a iniciativa do xogo e recibe poucas ocasións en contra. Sen ir máis lonxe, o Eldense só tivo un minuto de inspiración na primeira metade e meteu un gol. O Depor só foi inferior a un rival no que vai de Liga, tan só o Córdoba foi mellor ca el e pouco se veu ese día dese equipo dominador que tanto lle gusta ao míster. É dicir, o Depor leva un mes sen derrotas e nos tres últimos empates, ben puido colleitar tres vitorias. Estamos aínda en fase de adaptación a competición e a os xogadores.
A Segunda División é unha Maratón de competición. En corenta e dous partidos da tempo a vivir diversas rachas e momentos distintos nos equipos. O Depor está nese momento de atopar os xogadores para cada posición, de adoptar rutinas no xogo, de conseguir pequenos éxitos cada xornada ou de entender que un punto na saca ten o seu valor a final da tempada. Punto é punto, sobre todo cando es un recen ascendido onde o obxectivo máis remoto é volver ascender. 
- Miguel Barreiro Bugallo. Coruñés e deportivista no exilio mesetario. Sufrindo ó depor dende 1988. O que sei de fútbol, o Depor empéñase en negarmo. Firme defensor do fútbol de botas negras.
