Este pasado domingo, un grupo de 15 voluntarios e voluntarias convocadas pla Asociación Mar de Fábula realizaron unha limpeza na praia de Mera. O que parecía unha zona de augas limpas, a segunda metade, especialmente na zona centro de perfil baixo, os plásticos mesturados co argazo se amorean formaban acúmulos mestos, antigos, degradados pola intemperie.

”Milleiros de microplásticos secundarios, de porexpan, pellets, fibras, residuos do lixo-retrete que fan pensar en problemas na depuradora, cordas, anacos de plástico de toda caste… toda unha masa de contaminación plástica depositada polos ventos e as liñas de marea nunha ringleira que impacta visualmente dende o paseo marítimo e que constitúe unha vergoña impropia dunha vila pudente como a de Mera”, lamentan dende a entidade.

De feito, nunha hora e media de traballo, en apenas 100 metros da praia, xs voluntarixs apañaron 1.322 residuos: 420 bastoniños, 25 paus de chupa, 140 cabichas, 138 anacos de cordas, 128 anacos de plástico ríxido, 250 anacos de espumas sintéticas, 177 tapóns, 10 botellas, 42 peches de cremas solares… “unha penosa mostra que di moi pouco a favor do estado ambiental desta praia que excede todos os umbrais fixados polos expertos da UE”.

Máis novas

O Voluntariado de Mar de Fábula deixou un pouco máis limpo o areal de Barrañán

O proxecto Entre Crebas avanza cara o primeiro aniversario en clave de reinserción e concienciación medioambiental

As cabichas, as grandes contaminantes do Areal da Torre

As persoas en semiliberdade do CIS afondan na súa sensibilización ambiental