O 31 de outubro do ano 1994, reuníronse en Viana, unha aldea de Chantada, un fato de grupos de toda Galiza, dispostos a inventar un novo movemento musical. Esa noite naceu o “bravu”, estilos moi diversos, unidos por dous argumentos: o galego e o rock and roll. Alí estiveron dous conxuntos da Coruña: Os Papaqueixos e os Diplomáticos de Monte-Alto.
Trinta anos despois, celebrarase tal efeméride nunha “gran noite coruñenta”: Será o 22 de Novembro, no teatro Colón, coa proxección de BRAVÚ XXX (documental de Nós Televisión) e a actuación da Orquestra Bravú Xangai.
Mais antes, o mércores 13, ás 20 h, algúns dos fundadores dos Diplomáticos: Rómulo Sanjurjo, Pulpiño Viascón e Xurxo Souto, achegaranse á Biblioteca da Asociación Veciñal Atochas Monte-Alto (rúa da Torre) para lembrar -con contos e cantos- as orixes deste conxunto.
Enquisa
O investigador David Fernández Pastoriza está a desenvolver un traballo para a Universidade de Santiago de Compostela (USC) sobre a influencia do Movemento Bravú na identidade e lingua galega. Pídenos axuda a través dunha enquisa que podedes completar aquí:
Máis novas
Xurxo Souto: “Na Coruña somos un dos lugares con maior número de galegofalantes”
