Renfe modificará o servizo e habilitará un plan alternativo de transporte por estrada con motivo das obras que Adif está a levar a cabo na estación da Coruña e que afectarán o servizo ferroviario os días 9, 10, 11, 12, 13 e 14 de decembro de 2024.
A compañía prestará o servizo con 508 buses e microbuses e 110 taxis extra con motivo disto traballos, para adaptar o acceso á estación provisional da cidade herculina.
Renfe programará a circulación de 508 autobuses durante eses días, incluídos algúns servizos do día 9 a última hora e do 14 a primeira, para posibilitar a chegada a destino dos clientes dos trens de Longa Distancia que conectan con Madrid.
Tamén se verán modificados os trens de Media Distancia e Avant. Están previstos transbordos por estrada polo corte da circulación por parte de Adif.
O servizo de trens de Alta Velocidade, AVE A Coruña-Madrid e Alvia Ferrol-A Coruña-Madrid, modificarase temporalmente estes días, realizando o traxecto entre Santiago, A Coruña e Ferrol por estrada.
Así, Renfe ofrecerá un total de 85 autobuses para prestar o servizo de trens comerciais (AVE e Alvia), e así poder facilitar a mobilidade dos viaxeiros estes días.
Así mesmo, nos servizos públicos, Avant A Coruña-Santiago-Ourense, e Media Distancia A Coruña-Santiago-Vigo, A Coruña-Ferrol e A Coruña-LugoMonforte, polas obras na infraestrutura de Adif, Renfe facilitará a mobilidade cun total de 423 autobuses e microbuses, máis 110 servizos extra de taxi programados.
Nun comunicado recomendan aos clientes consultar con antelación os horarios dos seus trens, pois poden sufrir modificacións durante estes días.
