Arquitectura Sen Fronteiras xunto ao Mestrado de Política Social e Intervención Comunitaria (MOPS) da Universidade da Coruña, propón unha nova actividade de reflexión no marco do proxecto Agra, un barrio de coidados. Os vindeiros martes 3, martes 10 e mércores 11 de decembro desenvolverase un seminario aberto sobre urbanismo ecofeminista, “Dereito ao hábitat, interseccionalidade e barrios de coidados”.
Abrirá as ponencias o martes 3 a partir das 16:00h (en liña), David Pérez. Arquitecto e cofundador de Grigri Projects, falando sobre ferramentas de colaboración para mellorar os espazos comúns.
O martes 10, á mesmoa hora e tamén en liña, será Júlia Pascual e Imma Font, investigadoras proxecto Intermaps da Universitat Pompeu Fabra, as que nos debullen as novas Metodoloxías interseccionais dos Relief Maps+.
A última xornada será o mércores 11, de 16 a 18 horas e esta de forma presencial no Salón de Graos Facultade de Socioloxía da UDC (no Campus de Elviña). Yosehanna Ledesma, Graduada en Comunicación audiovisual e Relacións Laborais, e técnica Programa de Sensibilización contra o Racismo, a Xenofobia e outras formas de Intolerancia de ACCEM afondará sobre a Violencia administrativa.
Poden inscribirse aquí.
Nace na Falperra-Os Mallos o primeiro Sindicato de Barrio para combater o rendismo
