Visita institucional esta mañá ao antigo solar do Ministerio de Vivenda na rúa Adelaida Muro, en Monte Alto, onde a entidade estatal Casa 47 vai poñer en marcha a construción de 11 novas vivendas públicas de alugueiro asequible.
O Delegado do Goberno en Galicia aproveitou a ocasión para destacar “o papel protagonista do goberno estatal na ampliació do parque público de vivenda en Galicia”. Acompañado da alcaldesa Inés Rey, o subdelegado do goberno Pedro Blanco e o concelleiro de Urbanismo Fran Díaz, Blanco subliñou que “a vivenda é hoxe a primeira preocupación social e para este goberno é unha prioridade política”. “Ten que trarse como un dereito, non como un negocio, e os dereitos deféndense desde o público”, afirmou.
11 VIVENDAS PÚBLICAS
En relación co proxecto presentado, o delegado explicou que se trata dunha promoción de 11 11 novas vivendas públicas de alugueiro asequible, que se construirán nunha parcela de 371 m² do número 24 da rúa Adelaida Muro. O edificio terá catro andares, con vivendas exteriores de entre 1 e 3 dormitorios con garaxe e trasteiro.
As vivendas serán permanemente públicas e os contratos de alugueiro poderán alcanzar ata 75 anos de duración cun prezo que non pode superar o 30% da renda media do fogar de cada territorio, vinculando así os prezos á capacidade económica da cidadanía e non ao que marca o mercado.
“O modelo CASA 47 non busca construir vivendas, senón crear un parque público estable e permanente que garanta o dereito á vivenda”, afirmou o delegado, quen avanzou que o proxecto estará redactado este verán e que a intención é licitar as obras a continuación para tratar de iniciar a construción este mesmo ano.
Máis novas sobre vivenda
Os terreos de Defensa na Coruña servirán para construír 88 vivendas sociais
