O andaluz Raphael cantará este sábado, día 30, a partir dás 20.30 horas, no Coliseum da Coruña, dentro da súa xira ‘Vitoria‘. Aínda é posible comprar entradas para este espectáculo, segundo informa o Concello herculino.
A actuación deste fin de semana será a segunda en dous anos deste artista no recinto multiusos coruñés, tras celebrar o 11 de xuño de 2022 nel os seus 60 anos sobre os escenarios.
Para o concelleiro de Cultura e Turismo, Gonzalo Castro, contar con intérpretes “consolidados e referentes de distintos xéneros e xeracións é un gran reto que desde o Concello estamos a superar con nota, como mostra o alto número de ‘sold out’ que ten o Coliseum”.
Tras o concerto de Raphael, este recinto acollerá antes de que termine o ano a actuación de Rod Steward e Ana Mena. Ademais, o Coliseum converteuse na nova sede do Básquet Coruña.
