InicioCULTURAA mestra Fina Paulos xa é finalista dos Premios EDUCA ABANCA 2024

A mestra Fina Paulos xa é finalista dos Premios EDUCA ABANCA 2024

Publicada o

Por Ubaldo Cerqueiro

Hai un par de meses coñeciamos que estaba nominada, pero hoxe sabemos que xa é finalista dos prestixiosos VIII Premios EDUCA ABANCA 2024, premios considerados os “Goya da Educación”. Fina Paulos Lareo está xa entre as10 mellores docentes de España, na categoría de Bacharelato e Secundaria.

A mestra do IES Maximino Romero de Lema de Baio, natural de Santa Marta Babío (Bergondo), que xa recibiu o 2º premio Educa Abanca no 2019 na categoría de formación profesional, está revolucionando xunto ao seu compañeiro Óscar Rey Calo o paradigma da Intelixencia Artificial no ensino, utilizando a IA como ferramenta de motivación.

Ao coñecer a nova da súa selección como finalista, Fina Paulos expresou a emoción que sente cunha mensaxe nas redes sociais, que resume o que este recoñecemento significa para ela: “Estou inmensamente agradecida (xa o estaba por estar nomeada polo meu alumnado do Maximino Romero de Lema) porque agora demos un paso máis e xa son finalista oficial nos premios Educa Abanca, na categoría de secundaria e bacharelato a mellor docente de España. Estou entre os 10 mellores docentes do noso país e, pase o que pase na gala final, son afortunada por ter contado cun gran alumnado e magníficos compañeiros que me axudaron”.
Tamén agradece o apoio da súa familia e amigos e aos compañeiros e equipo directivo do IES Maximino Romero de Lema, que a apoiaron dende que obtivo o seu destino definitivo alí.

A docente fai extensible este logro a educación no rural onde recalca que “se fan grandes cousas que moitas veces pasar desapercibidas”.

Un libro sobre a IA

Ademais de ser unha docente comprometida e inspiradora, publicou recentemente o libro “Intelixencia Artificial para a sociedade” co apoio de Medulia Editorial, unha obra que explora o potencial da IA como ferramenta educativa e o seu impacto na sociedade contemporánea. Este traballo reflicte a súa visión transformadora e o seu compromiso por dotar o alumnado das competencias necesarias para enfrontar os retos do futuro.

Fina destaca tamén como persoa formadora de compañeiros e compañeiras no ámbito da IA e outras disciplinas xa que colabora con diversas institucións como o Centro Autonómico de Formación e Innovación e o Centro de Formación e Recursos, entidades dependentes da Consellería de Educación. Tamén colaborou con moitas entidades sen ánimo de lucro da comarca para difundir a IA entre a poboación.

Foros e premios

Nos últimos anos, Fina estivo presente en foros educativos de primeiro orde amosando a súa experiencia ós docentes: como foron o Seminario de Transformación dixital e intelixencia artificial na educación, da Organización de Estado Iberoamericanos, organización coa que colabora publicando artigos educativos e exercendo de relatora en congresos. Fina tamén participou no Congreso nacional de Escolas Rurais trasladando a súa experiencia educativa en intelixencia artificial no ámbito da aula.

A todo isto, súmanse os logros acadados por ter coordinados proxectos educativos co seu alumnado que fixeron posible levar o nome do IES Maximino Romero de Lema por toda España: Festival Plasencia en Corto, II Certame de enfermidades raras, Festival Foco, Semana de diversidade sexual de Nigrán, Primeiro e segundo premio polo fomento á doazón de órganos, convocado polo Sergas, premio OUFF Escolas, do festival internacional de cine de Ourense e o recente premio acadado con IA “Unha constitución para todos” que outorgou o Ministerio de Educación ó alumnado de 3º da ESO do seu centro, coordinado xunto con Óscar Rey.

Máis novas

Fina Paulos Lareo, nominada a Mellor Docente de España nos VIII Premios EDUCA ABANCA 2024

 

ÚLTIMAS

O litoral da Coruña activa o domingo a alerta amarela por temporal

O litoral da provincia da Coruña e as rías Baixas activa este domingo a...

Inés Rey asegura que a cidade non periga “en absoluto” como sede do Mundial 2030

A alcaldesa da Coruña, Inés Rey, asegurou que a cidade herculina non periga "en absoluto"...

Un habilidoso ladrón consegue realizar 24 furtos de carteiras e tarxetas de crédito, estafando máis de 4.000 euros

A Policía Nacional detivo ao autor de 24 delitos de furto e estafa cometidos na Coruña. Segundo...

O Goberno acusa á Xunta de “tentar ocultar” financiamento estatal nas vivendas do barrio de Xuxán

O delegado do Goberno en Galicia, Pedro Blanco, acusou á Xunta de "tentar ocultar" financiamento estatal en...

DEIXAR UN COMENTARIO

Please enter your comment!
Please enter your name here