O vindeiro sábado 25 de xaneiro, de 18:00 a 20:00 horas, presentaranse as Marchas Republicanas en Galicia, coincidindo co 75 aniversario da morte de Castelao. O evento terá lugar na Asociación Cultural Alexandre Bóveda contará coa presenza de Nicanor Acosta e Pablo Elorduy.

Esta iniciativa forma parte da segunda Marcha Republicana Estatal, que se celebrará o 15 de xuño de 2025 en Madrid, e busca unir a diversos territorios nunha manifestación conxunta pola república.

Nación e Liberdade

Seguindo a temática histórica, este domingo 26, ás 12 h., a Aleandre Bóveda acolle unha charla do sociólogo especializado no pensamento político andaluz, Javier García, que lle dará protagonismo a Castelao e Blas Infante, e analizará os paralelismos entre Galiza e Andalucía. Contarán tamén co ensaísta e membro do padroado da Fundación Galiza Sempre, David Rodríguez.

As persoas que nos acompañedes levaredes de agasallo o caderno de 23 páxinas “75 anos do Legado de Castelao” que publica a Fundación Galiza Sempre. Cómpre inscrición na web da entidade.