Este venres 24 de xaneiro a Asociación veciñal “Os nosos lares” de Palavea coorganiza xunto coa plataforma de SOS Sanidade Pública A Coruña a proxeción do documental “DEP-Destruir é o plan”, que trata sobre a deterioración da Sanidade Pública en Galicia e contra o negocio da saúde a través do relato dunha multiplicidade de voces, desde profesionais sanitarios a usuarios, pasando por xornalistas. Un documental candidato a mellor longametraxe na edición dos Premios Mestre Mateo deste ano.

A proxección comezará ás 19:00 h. no Centro Cívico de Palavea. Ao remate haberá unha charla presentada por Rexina Basadre Orozco, médico de familia, na que participarán Juan Oliver, xornalista de Público, e Ramón Veras, voceiro de SOS Sanidade
Pública A Coruña.