InicioPOLÍTICAA Marea sobre o Master Plan da reforma da fachada marítima: “Non...

A Marea sobre o Master Plan da reforma da fachada marítima: “Non hai quen xustifique a subasta do litoral”

Publicada o

Por editor

O pasado venres a Comisión Coruña Marítima aprobaba as liñas estratéxicas do Máster Plan de reforma do porto interior. Un proxecto que vai cambiar a fisionomía da cidade, e que ten o seu punto máis polémico no proceso aberto para privatizar parte do solo portuario de San Diego, para a construción de vivendas e poder pagar así a débeda do Porto.

Xa limos as razóns da abstención do BNG e a posición dun PP que aprobou o Plan pero que incide en manter a titularidade pública dos terreos.

Hoxe é o grupo da Marea Atlántica, sen presenza plenaria dende o colapso das pasadas eleccións, o que anuncia súa posición, rexeitando ”calquera proxecto para os peiraos que supoña a privatización de solo público”.

Ante esa porta aberta á venda de solo para financiar a débeda da Autoridade Porturia, a formación municipalista manifesta que “non hai arquitecto de prestixio nin edificio emblemático que xustifique a subasta do litoral da Coruña”.
Para a Marea Atlántica, “a renuncia á condonación da débeda e a restauración parcial da fórmula privatizadora dos convenios de 2004 supoñen unha ruptura dos consensos forxados na etapa de Xulio Ferreiro como alcalde, cando milleiros de persoas saíron á rúa e se multiplicaron espazos de participación e deliberación como o Foro Tecendo Litoral”. “Todas as forzas políticas se comprometeron daquela a asegurar a titularidade pública dos terreos e a constitución dun consorcio, tamén público, para planificar e liderar a transformación dos peiraos. Quen mudase de parecer, que o diga e o explique. A cidadanía ten dereito a saber se os partidos polos que votou teñen pensado facer algo radicalmente distinto do que prometeron na última campaña electoral”, argumenta a formación.

O grupo denuncia que “o futuro dos peiraos interiores da Coruña volve debaterse a porta pechada” e esixe ás administracións implicadas que fagan públicos os documentos e garantan a máxima apertura dos procesos de participación e decisión.

Lanza tamén unha crítica á posición do BNG denunciando que na cuestión “non caben abstencións” e lamenta “a falta dunha voz alta e clara en María Pita en defensa do común”.

Sobre a convocatoria dun concurso restrinxido a cinco firmas de ámbito global, a formación municipalista denuncia “o paso atrás que suporía con respecto ao celebrado no marco do Foro Tecendo Litoral e insta o goberno local a rectificar, garantindo un concurso aberto, dotado cun xurado plural e non condicionado por decisións tomadas por adiantado de costas á cidadanía”. “De nada serve que no Concello se lle estea a dar continuidade simbolicamente á comisión plenaria creada en 2019 a iniciativa da Marea Atlántica”, recorda a Coordinadora, “se agora se exclúen todas as voces da cidade, expertas e non expertas, para que acabe impoñéndose un proxecto que podería estar en calquera outro lugar do planeta”.

Máis novas

Así é o aprobado Máster Plan Coruña Marítima

O PP considera necesario condonar a débeda do Porto e manter a titularidade pública dos terreos portuarios

O BNG abstense na votación das bases estratéxitcas Coruña Marítima ante as “contradicións” sobre titularidade pública dos terreos

 

ÚLTIMAS

A UDC destaca o apoio do pleno a Medicina: “Reforza a vontade de traballar na proposta”

O reitor da Universidade da Coruña (UDC), Ricardo Cao, mostrouse "moi satisfeito" polo apoio "unánime"...

Arrinca o Festival Mar de Mares: estas son todas as súas actividades

A duodécima edición do Festival Mar de Mares, que se celebrará ata o 15 de...

Máis control no consumo de alcol en menores na Coruña

Axentes do Corpo Nacional de Policía e da Policía Local puxeron en marcha un...

O longo pleno sacou adiante a nova Taxa Turística, a ordenanza das VUT e a de mobilidade sostible

Longo pleno en María Pita. Máis de 9 horas de pleno (cun par de...

DEIXAR UN COMENTARIO

Please enter your comment!
Please enter your name here