O Concello da Coruña comezou esta semana os traballos de reparación da duna da praia de Riazor, afectada as tres borrascas –Éowyn, Herminia e Ivo- que tiveron lugar durante o pasado mes de xaneiro.
Segundo informa o consistorio, unha retroexcavadora de 30 toneladas traballará ao longo destes días no areal para volver montar e perfilar a duna. A previsión, engade, é que os traballos de reparación da estrutura de area que protexe o Paseo Marítimo estean finalizados esta mesma semana.
Durante as xornadas de mal tempo, apunta o Concello, un retén dos servizos de limpeza municipais estivo pendente de retirar a area que puidese chegar ao paseo.
