A Comisión de Centro do CHUAC convoca manifestación, e posterior asemblea, para hoxe xoves 6 de febreiro de 2025 diante da porta de urxencias ás 12:00 h, esixindo medidas urxentes e inmediatas ante a situación de indefensión que sofren as/os traballadoras/es do Complexo.
A pesar das promesas da xerencia da Área Sanitaria de que reforzará a seguridade, @s sanitari@s aseguran “seguir descoñecendo os protocolos específicos de actuación e seguridade fronte a doentes potencialmente agresivos pese a ser solicitados polas/os delegadas/os de prevención de riscos en reunión extraordinaria do Comité de Seguridade e Saúde no día de onte”.
Critican que onte a Xerencia presentou un “protocolo de actuación en urxencias psiquiátricas” do 2012, do que o persoal non tiña coñecemento, como quedou de manifesto no comité de seguridade e saúde.
Deste xeito, a Comisión esixe aplicación de medidas sen máis demora ante a situación de desprotección na que se atopa o persoal do Complexo para minimizar os riscos ás que están sometidos, tales coma:
- Implantación inmediata dos protocolos de actuación e seguridade para todas/os as/os profesionais.
- Circuítos de atención definidos,
- Incremento das presencias e equipos de seguridade, E
- Espazos adecuados de atención ás/ós doentes de perfil agresivo en urxencias,
- Incremento da capacidade da unidade de agudos,
- Profesionais especialistas suficientes para dar cobertura as necesidades da poboación da Coruña…
Máis novas
O persoal sanitario concéntrase no CHUAC en apoio aos dous agredidos e esixindo máis seguridade
O CHUAC reforzará o persoal de seguridade en Urxencias tras a agresión a un enfermeiro e un vixiante
